Žalmi 95:4 - Le Devleskero Lav Andre Romaňi Čhib Slovensko 2021

⁴ Andre leskre vasta hin o hlbini la phuvakre, o šťiti pro verchi hine leskre.

Žalmi 95:4 ပူးပေါင်းရင်းမြစ်များ

O Job 11:10

Te o Del avela a dela tut te phandel andre a zvičinela o sudos, ko les šaj ačhavela?

O Job 9:5

Ov čhalavel le verchenca a on olestar aňi na džanen, ov len previsarel andre peskri choľi.

Žalmi 135:6

O RAJ kerel savoro, so kamel, pro ňebos the pre phuv, andro moros the andre savore leskre hlbini.

Žalmi 21:2

RAJEJA, o kraľis radisaľol andre tiri zor. Savo baripen thovel andre tiri zachrana!

Žalmi 65:6

Odpheneha pre amare modľitbi le zazrakenca the le spravodľive skutkenca, Devla, amaro Spasiťeľina. O manuša pal calo svetos a the dural pašal o moros pes muken pre tute.

Žalmi 71:20

Kajte mange diňal te prindžarel but pharipena the čoripena, ale pale man obdžiďareha a cirdeha man upre dži telal andral e phuv.

Žalmi 97:5

O verchi rozdžan sar e momeľi anglo RAJ, anglo Raj cale svetoskro.

Micheaš 1:4

O verchi rozdžana tel leste a o dolini pharona pro jepaš; ena sar o voskos andre jag the sar o paňi avričhido tele brehoha.

Nahum 1:5

O verchi angle leste razisaľon a o brehi rozdžan; izdral angle leste e phuv, o svetos the sako, ko andre bešel.

Habakuk 3:10

a sar tut o verchi dikhen, izdran. O chmari prečhinďon a demel avri o zoralo brišind; e hlbina vičinel a hazdel upre peskre vasta.

Habakuk 3:6

Sar zaačhel, razinel le svetoha, te dikhel la jakhaha, o narodi izdran; o phurikane verchi rozperen, o večna verchi rozkrušisaľon, ale leskre hin o večna droma.