Žalmi 91:3 - Le Devleskero Lav Andre Romaňi Čhib Slovensko 2021

³ Ov tut zachraňinela andral e pasca le lovcoskri the andral o meribnaskro nasvaľiben.

Žalmi 91:3 ပူးပေါင်းရင်းမြစ်များ

2. Samueloskro 24:15

Vašoda o RAJ domukľa pro Izrael o meribnaskro nasvaľiben ole tosarastar dži oda časos, so sas pre oda dino. Avke andre caľi phuv Izrael le Danostar dži paš e Beer-Šeba mule 70 000 manuša.

1. Kraľengro 8:37

Te ela andre phuv bokh the e pohroma, abo te o uľipen pro maľi kirňola, abo te ela pro maľi o grajora the o kirme, abo te o ňeprijaťeľa džana pre lengre fori, abo te ela o pharipen vaj o meribnaskro nasvaľiben,

Žalmi 124:7

Amen denašľam sar o čiriklo andral e pasca le lovcoske; e pasca čhinďiľa a amen andral denašľam.

Žalmi 141:9

Chraňin man le pascendar, so mange kerde, the le sitendar, so mange nacirdle o nalačhe.

Žalmi 68:21

he, amaro Del hin o Del, savo amen spasinel, o Nekbareder RAJ amen zachraňinel le meribnastar.

Žalmi 91:6

aňi la ranatar, so demel andro kaľipen; aňi le meribnaskre nasvaľibnastar, so murdarel pro dilos.

Prislovja 6:5

Le tut avri olestar, sar e srnka denašel le poľovňikoske, sar o čiriklo ľecinel andral o vasta oleske, ko les chudel.

Prislovja 7:23

saveske o šipos predžal prekal o per; sar o čiriklo, so ľecinel andre sita a na džanel, hoj leske džal pal o dživipen.

Kazaťeľis 9:12

Se o manuš the avke na džanel, kana avel leskro časos, bo sar o ribi pes chuden andre meribnaskri sita a o čirikle hine chudle andre pasca, avke the le manušen zachudel o nalačho časos, so pre lende jekhvareste avel.

Hozeaš 9:8

O prorokos hino bičhado le Devlestar, hoj te stražinel le Efrajim, ale pre savore leskre droma hine thode o pasci a hin les ňeprijaťeľa mek the andro kher leskre Devleskro.

Amos 3:5

Či pes chudela o čiriklo andre pasca pre phuv, te ode na ela ňisavi navnada? Či pes phandela e pasca pre phuv, te ňič na chudela?

1. Timoteoske 6:9

Ola, ko kamen te barvaľol, peren andro pokušeňje, andre pasca the andro but nagoďaver the nalačhe žadosci, so doanen le manušen andro meriben a zňičinen len.

2. Timoteoske 2:26

a avke avlehas ke goďi a denašlehas avri andral e pasca le bengeskri, andre savi sas zachudle, hoj te keren leskri voľa.