Žalmi 90:5 - Le Devleskero Lav Andre Romaňi Čhib Slovensko 2021

⁵ Jekhvareste našľuvas sar pal e potopa, našľuvas sar o suno, sar e nevi čar, so barol tosara:

Žalmi 90:5 ပူးပေါင်းရင်းမြစ်များ

O Job 20:8

Odľecinela sar o suno a buter les na arakhena; našľola sar o viďeňje rači.

O Job 22:16

On mule sigeder, sar sas lengro časos, jekhvareste avke sar o kher, saves lel e potopa le zakladenca.

O Job 4:20

tel jekh džives ena murdarde, našľona pro furt a ňiko olestar aňi na džanela!

O Job 9:26

Pregele sar e loďa la trsťinatar; sar o orlos, savo pes mukel tele te chudel le džvirocis.

Žalmi 73:20

Avke sar o suno, so našľol, sar o manuš ušťel upre, avke tu, Rajeja, sar ušťeha, bistereha pre lende.

Izajaš 38:12

Miro kher sas cirdlo tele a ilo mandar het sar o stanos le pasťjeriskro. Pačarďom andre miro dživipen, avke sar o tkačis pačarel o pochtan, se ov mange odčhinďa o thav pal o strojos. Dživesestar dži rači skončinďal mire dživipnaha.

Izajaš 38:13

Caľi rat rovav dukhatar; sar te mange o ľevos phagerďahas savore mire kokala. Dživesestar dži rači skončinďal mire dživipnaha.

Izajaš 40:6

O hangos mange phenďa: „Vičin!“ Me phučľom: „So mušinav te vičinel?“ „Vičin: Savore manuša hine sar čar, sar e kvitka pre maľa, so ľikerel ča sikra.

Izajaš 40:7

E čar šučol avri a lakri kvitka perel tele, sar pre late phurdel o dichos le RAJESKRO. Čačes, o manuša hine sar čar.

1. Peter 1:24

Bo hin pisimen: „Savore manuša hine sar e čar a caľi lengri slava hiňi sar e kvitka pre maľa. E čar šučol avri a lakri kvitka perel tele,