Žalmi 90:16 - Le Devleskero Lav Andre Romaňi Čhib Slovensko 2021

¹⁶ Sikav tire skutki pre tire sluhi; tiro baro šukariben pre lengre čhave.

Žalmi 90:16 ပူးပေါင်းရင်းမြစ်များ

Žalmi 44:1

Oleske, ko ľidžal o bašaviben. O maskil le Korachengro.

Žalmi 77:12

Leperava mange pro skutki le RAJESKRE, He, leperava mange tire čirlaskre zazraki.

Žalmi 92:4

Mištes hin tuke te giľavel a te bašavel pre dešehurengri citara the pre harfa.

Habakuk 3:2

RAJEJA, šunďom pal tute o lačho hiros a čudaľinavas man upral tire skutki, RAJEJA. Ker oda pale akana andre amare dživesa; ker, hoj olestar te džanen andre amaro časos! Andre choľi ma bister pre milosť!

5. Mojžišoskro 1:39

Paľis o RAJ phenďa amenge savorenge: ‚Andre odi phuv džana tumare cikne čhavore, pal save phenenas, hoj ena zaile – tumare čhavore, save mek adadžives na džanen, so hin lačho a so na. Lenge la dava a on la zalena.

5. Mojžišoskro 32:4

Ov hino e Skala, leskri buči hiňi dokonalo. Savore leskre droma hine čače. O Del hino pačivalo, na kerel ňič namištes, hino čačipnaskro the lačho.

Jozua 23:14

Me imar maj merav – džav het pal kadi phuv. Gondoľinen cale tumare jileha the dušaha pal oda, hoj aňi jekh le lavendar, so tumenge diňa o RAJ, tumaro Del, na našľiľa. Savoro pes ačhiľa.