Žalmi 9:5 - Le Devleskero Lav Andre Romaňi Čhib Slovensko 2021

⁵ bo tu man diňal čačipen a zaačhiľal vaš ma, sar zabešľal pro tronos a sudzinehas čačipnaha.

Žalmi 9:5 ပူးပေါင်းရင်းမြစ်များ

2. Samueloskro 17:23

Sar o Achitofel dikhľa, hoj pes na ačhiľa avke, sar ov radzinelas, thoďa pro somaris o sedlos, bešľa pre leste a geľa khere andre peskro foros. Diňa peske andro kher savoro andro poradkos a paľis pes figinďa. Avke muľa a parunde les andre leskre dadeskro hrobos.

Žalmi 149:7

hoj te domaren le naroden a hoj te potrestinen avre manušen,

Žalmi 2:1

Soske o narodi gondoľinen pro vzburi a o manuša pes dovakeren pro zbitočna veci?

Žalmi 5:6

O barikane našťi ačhen anglal tute; tu našťi avri ačhes savoren, ko keren o nalačhipen.

Žalmi 7:12

O Del hino čačipnaskro sudcas. O Del hino choľamen pro nalačhe manuša sako džives.

Žalmi 78:55

Le naroden tradňa avri anglal lende, e ďeďično phuv lenge merinďa avri a rozďelinďa; le Izraeloskre kmeňenge diňa te bešel andre lengre khera.

Žalmi 79:10

Soske o narodi te phenen: „Kaj hin lengro Del?“ Počin le narodenge angle amare jakha vaš o avričhordo rat tire služobňikengro!

Prislovja 10:7

O lačhe manuša ena leperde pro požehnaňje, ale o nav le bijedevleskro kirňola.

Prislovja 13:9

O čačipnaskro hino sar o švetlos, so švicinel zorales, ale o nalačho hino sar e lampa, so murdaľol andre.

Jeremijaš 49:38

Paľis mange ačhavava o tronos andro Elam a zňičinava leskre kraľis the leskre rajen,“ phenel o RAJ.

Roviben le Jeremijašiskro 3:58

Tu vaš ma zaačhiľal, RAJEJA, cinďal avri miro dživipen.

5. Mojžišoskro 9:14

Muk man, hoj len te zňičinav a te khosav lengro nav pal e phuv. Ale tutar kerava narodos zoraleder the bareder lendar.‘

Zjaveňje 19:15

Andral leskro muj avelas avri ostro šabľa, hoj laha te marel le naroden. Ov len ľidžala la trastuňa pacaha a ov pučinela avri andral o moľakro lisos e mol – e choľi le Nekzoraledere Devleskri.

1. Samueloskro 25:32

O David odphenďa la Abigajilake: „Mi el barardo o RAJ, o Del le Izraeloskro, savo tut bičhaďa adadžives angle ma.

1. Samueloskro 25:39

Sar pes o David došunďa, hoj o Nabal muľa, phenďa: „Mi el o RAJ barardo, bo ov visarďa pale le Nabaloske vaš oda, hoj mange kerďa ladž, a chudňa o počiňiben vaš peskro binos. Ov zľikerďa peskre služobňikos olestar, hoj te na kerel binos, a visarďa le Nabaloskro nalačhipen pre leskro šero.“ Paľis o David bičhaďa manušen ke Abigajil, hoj lake te phenen: „O David peske tut kamel te lel romňake.“

1. Samueloskro 31:4

Avke o Saul phenďa peskre zbrojnošiske: „Cirde avri e šabľa a murdar man sigeder, sar avena ola naobrezimen, hoj man te na predemen a te na keren mange ladž.“ Ale leskro zbrojnošis oda na kamelas te kerel, bo igen daralas. Avke o Saul iľa peskri šabľa a čhiďa pes pre late.