Žalmi 89:17 - Le Devleskero Lav Andre Romaňi Čhib Slovensko 2021

¹⁷ Tire navestar radisaľon calo džives a andre tiro spravodľišagos ačhen,

Žalmi 89:17 ပူးပေါင်းရင်းမြစ်များ

Nehemiaš 8:10

Džan khere, chan o lačho chaben, pijen e guľi mol a bičhaven the olenge, kas nane ňič, bo kada džives hino pošvecimen amare RAJESKE. Ma aven smutna, bo o radišagos le RAJESKRO hin tumari zor.“

Žalmi 112:9

Rozčhivel ščirones a del le čore manušen; leskro spravodľišagos ačhela pro furt; leskri zor pes hazdela upre andre slava.

Žalmi 132:17

Ode kerava, hoj jekh le Davidoskre potomkendar te ačhel zoralo kraľis; a dava, hoj miro pomazimen kraľis te švicinel sar lampa.

Žalmi 148:14

Ov diňa zor peskre narodos, hoj les te lašaren savore leskre pačivale – o Izraeliti, o manuša, save leske hine pašes paš o jilo. Haleluja!

Žalmi 28:7

O RAJ hino miri zor the miro šťitos; miro jilo leske pačal. Ov mange pomožinďa, vašoda miro jilo igen radisaľol a mira giľaha leske paľikerava.

Žalmi 75:10

Ale me furt vakerava pal tute, giľavava o chvali tuke, Devla le Jakoboskro.

Žalmi 89:24

Rozpučinava angle leste leskre ňeprijaťeľen, domarava olen, ko les našťi avri ačhen.

Žalmi 92:10

Se dikh, RAJEJA, tire ňeprijaťeľa! Se dikh, tire ňeprijaťeľa našľona! Savore, ko keren o nalačhipen, pes rozdenašena.

Izajaš 45:24

a phenela: ‚Ča andro RAJ hin e zachrana the e zor.‘ “ Ke leste avena a ladžana pes savore, ko pre leste chanas choľi.

Filipanenge 4:13

Savoro birinav andro Kristus, bo ov man del zor.

1. Samueloskro 2:1

E Anna pes modľinelas kavke: „O jilo mange radisaľol andro RAJ; o RAJ man diňa zor. Miro muj asal mire ňeprijaťeľendar! Radisaľuvav, bo tu man zachraňinďal.

1. Samueloskro 2:10

Ola, ko džan pro RAJ, ena zňičimen, herminela pre lende andral o ňebos. O RAJ sudzinela caľi phuv. Peskre kraľis dela zor; hazdela upre peskre pomazimen muršes.“