Žalmi 88:5 - Le Devleskero Lav Andre Romaňi Čhib Slovensko 2021

⁵ Som rachimen maškar ola, ko džan tele andro hrobos; som sar murš bi e zor.

Žalmi 88:5 ပူးပေါင်းရင်းမြစ်များ

1. Mojžišoskro 19:29

A sar o Del zňičinelas o fori pre oda than, kaj bešelas o Lot, leperďa peske pro Abraham a mukľa le Lot te denašel odarik avri.

1. Mojžišoskro 8:1

O Del peske leperďa pro Noach the pre savore dziva džviri the dobitkos, so leha sas andro korabos. O Del bičhaďa pre phuv e balvaj a o paňi pre phuv chudňa te džal tele.

O Job 11:10

Te o Del avela a dela tut te phandel andre a zvičinela o sudos, ko les šaj ačhavela?

O Job 17:1

„Miro duchos hino igen zňičimen, mire dživesa murdaľile andre, užarel man o hrobos.

O Job 6:9

Te le Devleske uľahas pre dzeka, hoj man te rozpučinel, te nacirdňahas peskro vast, hoj man te murdarel!

Žalmi 136:23

Leperďa peske pre amende andre amaro poňižeňje, bo leskro verno kamiben ľikerel pro furt;

Žalmi 28:1

Le Davidoskro žalmos. RAJEJA, vičinav ke tute! Skalo miri, prithov tiro kan ke ma! Te aveha čhit, avava ajso sar ola, ko džan tele andro hrobos.

Žalmi 31:12

Savore mire ňeprijaťeľa, a mek the mire susedi, man tele dikhen. Ola, ko man prindžaren, mandar daran; sar man dikhen pre uľica, denašen mandar het.

Žalmi 31:22

Mi džal e chvala le RAJESKE, bo presikaďa mange peskro užasno kamiben, sar somas andro foros, pašal savo sas rozthoďi e armada.

Žalmi 88:16

Terňipnastar cerpinav a som pašes paš o meriben; bo zľidžav tire phare tresti a imar na džanav aňi so te kerel.

Izajaš 53:8

Sas phandlo andre, odsudzimen načačipnaha a ľigendo pro murdaripen. Ale ko andral leskro pokoleňje vaš leske zaačhiľa? Se ov sas cirdlo avri andral e phuv le džidengri, bo sas mardo vaš o bini mire manušengre.

Ezechiel 37:11

Phenďa mange: „Manušeja, kala kokala hine o manuša le Izraeloskre. Dikh, on phenen: ‚Amare kokala hine avrišuke a amari naďej našľiľa; imar sam zňičimen.‘