Žalmi 88:15 - Le Devleskero Lav Andre Romaňi Čhib Slovensko 2021

¹⁵ Soske man odčhives, RAJEJA? Soske mange garuves tiro muj?

Žalmi 88:15 ပူးပေါင်းရင်းမြစ်များ

O Job 17:1

„Miro duchos hino igen zňičimen, mire dživesa murdaľile andre, užarel man o hrobos.

O Job 30:20

Vičinav ke tute, hoj mange te pomožines, ale na odphenes mange; ačhav kade, ale tu pre ma ča dikhes.

O Job 6:4

Se hin andre ma o šipi le Nekzoraledereskre, miro duchos pijel lengro jedos; avle pre mande o strašna rani le Devleskre.

Žalmi 43:2

Tu sal, Devla, miro than, kaj man garuvav. Soske man odčhiďal? Soske mušinav te phirel smutno vaš o ňeprijaťeľis, so man trapinel?

Žalmi 44:25

Soske garuves o muj? Soske bisteres pre amaro čoripen the trapišagos?

Žalmi 73:14

Bo sako džives cerpinav a sako tosara som mardo.

Izajaš 53:10

No o RAJ oda avke kamelas, hoj les te marel le pharipnaha. Ov dela peskro dživipen sar e obeta vaš e vina a paloda dikhela peskro potomstvos, leskro dživipen na preačhela a prekal leste avela avri oda, so o RAJ kamelas te kerel.

Izajaš 53:3

Sas teledikhlo a odčhido le manušendar, murš, savo peske pregeľa la dukhaha the le cerpišagoha, sar oda, anglal kaste peske o manuša garuven o muja, sas teledikhlo a na važinahas peske les.

Zacharijaš 13:7

„Šabľo, ušťi pre miro pasťjeris the pro murš, so mange hino pašes,“ phenel o Nekzoraleder RAJ. „Mar le pasťjeris a o bakrore pes rozdenašena, a me visarava miro vast pro ciknore.

Лукастар 22:44

Le Ježišoske sas andro jilo igen phares a mek zoraleder pes modľinelas. A leskro spocišagos pal leste čhorďolas pre phuv sar ratvale kropaja.