Žalmi 88:11 - Le Devleskero Lav Andre Romaňi Čhib Slovensko 2021

¹¹ Či kereha o zazraki prekal o mule? Či ušťena o mule, hoj tut te lašaren?

Žalmi 88:11 ပူးပေါင်းရင်းမြစ်များ

O Job 21:30

hoj o nalačho na cerpinel andro bibachtalo džives, hoj andre oda džives, sar avel e choľi le Devleskri, hino zachraňimen?

O Job 26:6

O Del džanel savoro pal ola, ko hine andro than le mulengro, a o than le meribnaskro nane ňisoha zaučhardo le Devleske.

Žalmi 55:23

De tire pharipena le RAJESKE a ov pes pal tu starinela. Šoha na domukela, hoj pes o spravodľivo manuš te čhalavel.

Žalmi 6:6

Bo maškar o mule ňiko na lašarel tiro nav! Ko tut bararela andral o hrobos?

Žalmi 73:18

He, thoves len te ačhel pro šľickaca thana a keres, hoj te peren a imar te na ušťen.

Prislovja 15:11

O RAJ dikhel andro than le mulengro the le meribnaskro, a keci buter andro jilo le manušengro?

Izajaš 26:19

Ale tire mule dživena, RAJEJA, lengre ťela ušťena. Ušťen upre a radisaľon, tumen, so pašľon andro prachos! Se tiri rosa hin e rosa le švetloskri, savi andral e phuv obdžiďarela le mulen.

Ezechiel 37:3

Phenďa mange: „Manušeja, šaj obdživen kala kokala?“ A me phenďom: „RAJA, Devla, tu džanes!“

Matuš 7:13

„Aven andre prekal e cesno brana. Bo e buchľi brana the buchlo drom ľidžan andro meriben a but hin ajse, save prekal late džan andre.

Rimanenge 9:22

Avke o Del kamľa te sikavel peskri choľi the peskri zor. Igen ľikerelas avri a zľidžalas ola kuča, pre save sas leskri choľi, so sas pripravimen pro meriben.

2. Peter 2:1

Ale avke sar sas the akor maškar o nipi le Devleskre o falošna proroka, avke ena the maškar tumende o falošna učiťeľa, save počoral anena o falošno sikaviben. A zaprinena the le Bare Rajes, savo len cinďa avri, a avke korkore pre peste anena oda, hoj sig ena zňičimen.