Žalmi 86:12 - Le Devleskero Lav Andre Romaňi Čhib Slovensko 2021

¹² Paľikerava tuke, Adonaj, Devla miro, andral calo jilo a furt bararava tiro nav.

Žalmi 86:12 ပူးပေါင်းရင်းမြစ်များ

1. Kronicko 29:13

Akana, Devla amaro, paľikeras tuke a lašaras tiro slavno nav!

1. Kronicko 29:20

Paľis o David phenďa savore manušenge: „Lašaren le RAJES, peskre Devles!“ Avke savore ola manuša chudle te lašarel le RAJES, peskre dadengre Devles, a andre pačiv banďonas dži pre phuv anglo RAJ the anglo kraľis David.

Žalmi 104:33

Giľavava le RAJESKE calo dživipen; giľavava o chvali mire Devleske, medik dživava.

Žalmi 34:1

Le Davidoskro žalmos. Sar pestar kerelas dilino anglo Abimelech, savo les tradňa het, a ov geľa het.

Žalmi 9:1

Oleske, ko ľidžal o bašaviben. Pal o Mut-labben. Le Davidoskro žalmos.

Žalmi 9:2

Paľikerava tuke, RAJEJA, andral calo jilo; vakerava pal savore tire zazraki.

Izajaš 12:1

Andre oda džives pheneha: „Paľikerav tuke, RAJEJA, bo kajte pre ma rušehas, tiri choľi visarďal het a poťešinďal man.

Skutki 8:36

Sar džanas pal o drom, dikhle varesavo paňi a o eunuchos phenďa: „Dikh, paňi! So mange braňinel te del pes te bolel?“

Rimanenge 15:6

hoj savoredžene jekhetane te lašaras jekhe hangoha le Devles, le Dades amare Rajeskre le Ježišoskre Kristoskre.

1. Korinťanenge 10:31

Savoro, so keren, či chan abo pijen, keren pre slava le Devleskri.

1. Korinťanenge 6:20

Sanas avricinde bare počiňibnaha. Vašoda lašaren le Devles tumare ťeloha [the tumare duchoha, bo the o duchos the o ťelos hin le Devleskro].

Efežanenge 5:19

Vakeren jekh avreha le žalmenca, le chvalenca the le duchovne giľenca a giľaven the bašaven andral o jilo le Rajeske.

5. Mojžišoskro 6:5

Kameha le Rajes, tire Devles, andral calo tiro jilo, andral caľi tiri duša the andral caľi tiri zor.