Žalmi 84:6 - Le Devleskero Lav Andre Romaňi Čhib Slovensko 2021

⁶ Bachtale hine ola, ko hine zorale tutar; ko le jileha kamen te džal andro Sion.

Žalmi 84:6 ပူးပေါင်းရင်းမြစ်များ

1. Kronicko 16:11

Roden le RAJES the leskri zor, ma preačhen te rodel leskro muj!

Žalmi 68:9

e phuv razisaľiľa a o ňebos čhiďa avri o brišind anglo Del, o Del andral o Sinaj, anglo Del, o Del andral o Izrael.

Joel 2:23

Manušale le Sionoskre, radisaľon a thoven baripen andro RAJ, tumaro Del! Bo ov tumen dela but brišind, bičhavela tumenge o jesuno the o jaruno brišind avke sar angloda.

O Evaňjelium le Janoskro 16:33

Kada tumenge vakeravas vašoda, hoj tumen te avel andre mande smirom. Andro svetos tumen ela pharipen. Ale aven zorale! Me zviťazinďom upral o svetos.“

Skutki 14:22

Ode zoraľarenas le učeňiken pro duchos a povzbudzinenas len, hoj te ačhen andro pačaben. Phenenas lenge, hoj andro kraľišagos le Devleskro musaj te džal prekal o but pharipena.

Rimanenge 8:37

Ale andre kada savoro sam buter sar viťaza prekal o Ježiš, savo peske amen zakamľa.

2. Korinťanenge 4:17

Bo kala loke pharipena, so akana predžas, na ľikerena but a anena amenge igen baro barvaľipen – e večno slava.

Zjaveňje 7:14

Me leske odphenďom: „Rajeja, tu džanes.“ A phenďa mange: „Kala hine ola džene, save aven andral oda baro pharipen a rajbinde peskre gada a parňarde len andro rat le Bakroreskro.