Žalmi 84:11 - Le Devleskero Lav Andre Romaňi Čhib Slovensko 2021

¹¹ Feder hin jekh džives andre tiro kher, sar ezeros avrether! Radeder ačhava pro prahos andro kher mire Devleskro, sar hoj te bešav andro stani le nalačhe manušengre.

Žalmi 84:11 ပူးပေါင်းရင်းမြစ်များ

1. Mojžišoskro 15:1

Pal oda savoro, so pes ačhiľa, sas le Abram viďeňje a šunelas, sar leske o RAJ phenel: „Ma dara tut, Abram, me som tiro šťitos, tiri bari odmena.“

Žalmi 119:114

Tu sal miro šťitos, paš tute man šaj garuvav; pre tiro lav man mukav.

Žalmi 15:2

Oda, ko dživel žužo dživipen, ko kerel čačipnaha, ko jilestar vakerel o čačipen;

Žalmi 27:1

Le Davidoskro žalmos. O RAJ hino miro švetlos the miro spaseňje. Kastar man darava? O RAJ ochraňinel miro dživipen. Kastar izdrava?

Žalmi 3:3

But džene pal ma phenen: „O Del leske na pomožinela!“

Žalmi 47:9

O Del kraľinel upral o narodi, o Del bešel pre peskro sveto tronos.

Žalmi 84:9

RAJEJA, Nekzoraleder Devla, šun miro mangipen, visar tiro kan, Devla le Jakoboskro!

Žalmi 85:12

E vernosť barola andral e phuv, o spravodľišagos dikhela tele andral o ňebos.

Prislovja 10:9

O pačivalo manuš phirel bi e dar, ale pre oda, ko phirel napačivalones, pes avela avri.

Prislovja 2:7

Ov pomožinel olenge, ko hine čačipnaskre, a chraňinel olen, ko dživen žužes;

Prislovja 28:18

Ko phirel žuže dromeha, ela zachraňimen, no oda, ko phirel pal o previsarde droma, jekhvareste perela.

Prislovja 28:6

Feder hin o čoro, savo phirel žuže dromeha, sar o barvalo, saveskre droma hine previsarde.

Micheaš 2:7

Sar šaj phučen, tumen manušale andral o Izrael: „Šaj našavel o RAJ peskri trpezľivosť? Či kerel ov kajse veci?“ Mire lava anen o lačhipen oleske, ko dživel spravodľivones?

Matuš 6:33

Ale roden ešeb o kraľišagos le Devleskro the leskro spravodľišagos a savore kala veci tumenge ena dine paš oda.

O Evaňjelium le Janoskro 1:16

Amen savore priiľam leskre barvaľipnastar jekh požehnaňje pal aver.

O Evaňjelium le Janoskro 1:9

Oda čačo švetlos, so labol prekal dojekh manuš, avelas pro svetos.

O Evaňjelium le Janoskro 8:12

Paľis ke lende o Ježiš pale prevakerďa: „Me som o švetlos le svetoskro. Oda, ko phirela pal mande, na phirela andro kaľipen, ale ela les o švetlos le dživipnaskro.“

2. Korinťanenge 3:18

No amen savore pes dikhas andre slava le Rajeskri odučharde mujeha sar andro gendalos. A odi slava, so avel le Rajestar, savo hino o Duchos, amen čerinel pre leskro obrazis – andral jekh slava andre aver.

2. Korinťanenge 4:17

Bo kala loke pharipena, so akana predžas, na ľikerena but a anena amenge igen baro barvaľipen – e večno slava.

Galaťanenge 2:14

Ale sar dikhľom, hoj na džan rovnones pal o čačipen le evaňjelioskro, phenďom le Peteriske anglal savorende: „Te tu, so sal Židos, džives sar o manuša andral o aver narodi, a na sar o Židi, akor soske ispides pro phrala andral o aver narodi, hoj te dživen avke sar o Židi?“

5. Mojžišoskro 18:2

Na ela len ďeďictvos avke sar avre kmeňen. Lengro ďeďictvos ela korkoro o RAJ, avke sar lenge phenďa.

Filipanenge 1:6

Vašoda pačav, hoj o Del dokerela e lačhi buči, so andre tumende chudňa te kerel, dži andre oda džives, sar o Ježiš Kristus avela pale.

Filipanenge 4:19

A miro Del tumen dela savoro, so tumenge kampel peskre barvaľipnastar andre slava andro Ježiš Kristus.

Zjaveňje 21:23

Le foroske na kampel, hoj leske te švicinel o kham abo o čhonoro, bo e slava le Devleskri leske švicinel a leskri lampa hin o Bakroro.