Žalmi 81:9 - Le Devleskero Lav Andre Romaňi Čhib Slovensko 2021

⁹ Šunen, manušale mire, sar tumenge dovakerav – te ča man šunďalas, Izraelona!

Žalmi 81:9 ပူးပေါင်းရင်းမြစ်များ

1. Kraľengro 22:19

O Micha mek phenďa: „Šun akana o lav le RAJESKRO! Dikhľom le RAJES te bešel pro tronos a savore aňjelen te ačhel pašal leste, pre čači the baľogňi sera.

Žalmi 44:20

Ale tu amen omukľal domarden andre phuv le šakalengri a učharďal amen andro kaľipen.

Žalmi 50:7

„Šunen, mire manušale, a me vakerava! Svedčinava pre tute, Izrael: Me som o Del, tiro Del.

2. Mojžišoskro 15:26

A phenďa: „Me som o RAJ tiro Del, te man šunena a kerena oda, so hin angle mire jakha lačho, a te doľikerena mire zakoni the prikazaňja, na domukava pre tumende ňisavo nasvaľiben, sar domukľom pro Egipťana, bo me, o RAJ, som oda, ko tut sasťarel.“

Izajaš 28:23

Den pozoris a šunen miro hangos! Šunen mištes oda, so phenav!

Izajaš 43:12

Me som oda, ko delas te džanel, zachraňinelas a vakerelas – me, a ňisavo aver del. Tumen san mire švedki,“ phenel o RAJ, „me som o Del.

Hozeaš 4:1

Šunen o lav le RAJESKRO, Izraelitale! Bo o RAJ obviňinel le manušen, so dživen andre kadi phuv: „Nane ňiko verno aňi pačivalo andro kamiben, ňiko na prindžarel le Devles andre kadi phuv.

Malachijaš 2:11

O Juda mange na sas pačivalo a o džungipen pes kerelas andro Izrael the andro Jeruzalem. O Juda meľarďa andre o Neksveteder than, savo o RAJ kamel, bo peske iľa romňa, so lašarel avre devles.

5. Mojžišoskro 32:12

avke the o RAJ korkoro ľidžalas peskre manušen, na pomožinďa leske ňisavo aver del.

5. Mojžišoskro 6:14

Ma lašar avre devlen, le devlen andral aver narodi, save hine pašal tu.