Žalmi 80:8 - Le Devleskero Lav Andre Romaňi Čhib Slovensko 2021

⁸ Visar amen pale ke tu, Nekzoraleder Devla! Mi švicinel pre amende tiro muj, hoj te avas zachraňimen!

Žalmi 80:8 ပူးပေါင်းရင်းမြစ်များ

Žalmi 31:17

Mi švicinel tiro muj pre tiro služobňikos; zachraňin man tire verne kamibnaha!

Žalmi 44:2

Devla, šunďam amare kanenca, sar amenge amare dada vakerenas pal o bare skutki, save kerďal andre lengre dživesa, andre čirlatune časi.

Žalmi 60:3

Devla, odčhiďal amen a roztradňal; rušehas pre amende, ale akana tut visar pale ke amende!

Žalmi 78:55

Le naroden tradňa avri anglal lende, e ďeďično phuv lenge merinďa avri a rozďelinďa; le Izraeloskre kmeňenge diňa te bešel andre lengre khera.

Jeremijaš 12:10

But cudza pasťjera mange zňičinde e viňica; phirde mange pal miri phuv. Miri šukar maľa zňičinde a kerde latar zamukľi pušťa.

Jeremijaš 2:21

Se me tut sadzinďom sar o nekfeder viňičis, o lačho the o pačivalo semenos. Akor sar tutar ačhiľa o nalačho the o dzivo viňičis?

Ezechiel 15:6

Vašoda kada phenel o RAJ, o Adonaj: Avke sar iľom avri o viňičis le stromendar andro veš a labarďom les andre jag, avke kerava the le manušenca, so bešen andro Jeruzalem.

Ezechiel 17:6

Pučinďa avri a ačhiľa lestar cikno viňičis, saveskre konarica baronas pal e phuv a paľis pes nacirdenas ko orlos; leskre koreňa baronas dži tele andre phuv. Avke lestar ačhiľa viňičis, baronas leske o konarica the o prajti.

Ezechiel 19:10

Tiri daj sas sar o viňičis andre viňica, sadzimen paš o paňi; bariľa pre late but ovocje the konarica, bo sas la pherdo paňi.

Skutki 7:45

Oda Svetostankos preile amare dada a le Jozuaha les doande andre phuv, so sas le pohanengri. Le pohanen tradňa o Del het amare dadendar a o Svetostankos ode ačhiľa dži andro dživesa le Davidoskre.

Jozua 13:6

Me anglal o Izraeliti tradava avri savore Sidončanen, so bešen maškar o verchi Libanon dži ko Misrefot-Majim. Tu akana le losoha rozďelin le Izraelitenge o phuva avke, sar tuke phenďom.