Žalmi 80:13 - Le Devleskero Lav Andre Romaňi Čhib Slovensko 2021

¹³ Soske phagerďal leskre muri, hoj sako, ko pašal predžala, peske te čhinel tele leskre hroznostar?

Žalmi 80:13 ပူးပေါင်းရင်းမြစ်များ

2. Kraľengro 17:20

Vašoda pestar o RAJ odčhiďa calo izraeliko narodos, pokorinďa len a diňa andro vasta le zbujňikenge, medik len pestar na tradľa het.

Žalmi 89:42

Občorarenas les savore, so džanas pašal, hino pro asaben peskre susedenge.

Izajaš 5:5

Akana tumenge phenava, so kerava mira viňicaha: Lava tele lakri ohrada, hoj la te zňičinen; čhivava tele lakro muros, hoj pal late te uštaren.

Jeremijaš 4:7

„O ľevos avľa avri andral peskre kraki, o ňičiťeľis le narodengro avel. Avľa avri andral peskro than, hoj te kerel tira phuvatar e pušťa. Tire fori ena zňičimen, ačhena bi o manuša.

Jeremijaš 5:6

Vašoda len o ľevos andral o veš chala, o vlkos andral e pušťa len zňičinela, o leopardos pašľola a užarela garudo paš lengre fori, rozčhingerela sakones, ko lendar džala avri. Bo lengre bini hine but a kerde but napačivale veci.

Jeremijaš 51:34

„Chaľa amen a zňičinďa o babiloňiko kraľis o Nebukadnecar. Čučarďa amen sar taňiris; preľiginďa amen sar obluda. Pherarďa peske o per amare barvaľipnaha a paľis amen čhandľa avri.

Jeremijaš 52:7

o babiloňika slugaďa kerde chev andro muros. Mek odi rat o Cidkijah savore peskre slugaďenca denašľa prekal e brana maškar o duj muri, so sas paš le kraľiskri zahrada, kajte džanenas, hoj o Babilončana sas rozačhade pašal calo foros. Denašenas le dromeha ke Jordaňiko dolina,

Ezechiel 19:12

Ale sas avricirdlo choľaha a čhido pre phuv. E tači balvaj pal o vichodos šučarďa leskro ovocje, leskre zorale konara šučile avri a zlabarďa len e jag.

Nahum 2:3

Se o RAJ obnovinela le Jakoboskri slava sar e slava le Izraeloskri; kajte o zhubci len zňičinde a phagerde lenge o konara andro viňici.