Žalmi 78:6 - Le Devleskero Lav Andre Romaňi Čhib Slovensko 2021

⁶ hoj oda te prindžaren the aver pokoleňja, o čhavore, so uľona, a on paľis oda vakerena dureder peskre čhavenge.

Žalmi 78:6 ပူးပေါင်းရင်းမြစ်များ

Ester 9:28

Kala duj džives peske mušinen te leperel a te doľikerel sako berš savore židovika fameliji andre dojekh pokoleňje, andre dojekh phuv the andre dojekh foros. Kala dživesa o Židi mušinen te oslavinel o Purim pro furt a lengre potomki mušinen peske furt pre lende te leperel.

Žalmi 102:18

Šunela e modľitba peskre čore manušengri a odphenela lenge pro mangipen.

Žalmi 145:4

Jekh pokoleňje avreske lašarel tire bare veci, so kerďal; vakerel pal tire zorale skutki.

Žalmi 22:31

Le čhavengre čhave leske služinena; vakerena pal o RAJ le manušenge, so avena pal lende.

Žalmi 48:13

Predžan pašal o Sion! Predžan a zrachinen leskre veži!

Žalmi 71:18

Kajte avava phuro a ela man šiva bala, ma omuk man, Devla, medik na vakerava pal tiri zor avre pokoleňjenge, pal tire zorale skutki savorenge, ko avena pal ma.

Žalmi 90:16

Sikav tire skutki pre tire sluhi; tiro baro šukariben pre lengre čhave.

2. Mojžišoskro 10:2

a hoj te vakeres tire čhavenge the vnukenge pal oda, so kerďom andro Egipt, hoj tumen te džanen, hoj me som o RAJ.“

Joel 1:3

Vakeren pal oda tumare čhavenge a tumare čhave peskre čhavenge a lengre čhave lengre čhavenge.

5. Mojžišoskro 4:10

Leperen tumenge pro džives, sar ačhenas paš o verchos Choreb anglo RAJ, angle tumaro Del, sar mange phenďa: ‚An jekhetane savore mire manušen, hoj te šunen mire lava a te sikľon man te del pačiv pal calo lengro dživipen a te sikaven the lengre čhaven oda te kerel.‘