Žalmi 77:19 - Le Devleskero Lav Andre Romaňi Čhib Slovensko 2021

¹⁹ Tiro perumos šunďolas andre zoraľi balvaj, pro svetos švicinenas o bleski, e phuv izdralas a razisaľolas.

Žalmi 77:19 ပူးပေါင်းရင်းမြစ်များ

2. Samueloskro 22:8

E phuv pes čhalaďa a razisaľiľa, čhalade pes o zakladi le ňeboskre, bo ov sas choľamen.

Nehemiaš 9:11

Rozďelinďal angle lende o moros a maškar o moros pregele pal e šuki phuv. Ale olen, ko pal lende džanas, čhiďal andro baro paňi, avke sar pes čhivel o bar andro bare paňa.

O Job 23:14

Doľikerela savoro, so prekal ma naplaňinďa, a les hin mek pherdo plani manca.

O Job 36:29

Ňiko našťi achaľol oleske, sar ov rozthovel o chmari abo sar ov herminel andral o ňebos, kaj bešel.

Žalmi 104:32

Sar dikhel pre phuv, e phuv razisaľol; sar pes chudel le verchendar, o verchi thuvisaľon.

Žalmi 29:10

O RAJ bešelas pro tronos paš e potopa; o RAJ bešel pro tronos sar kraľis pro furt.

Žalmi 97:2

O chmari the e bari molha hin pašal leste, o spravodľišagos the o sudos hine o zaklados leskre tronoskro.

Žalmi 97:4

Leskre bleskendar hin o švetlos pre calo svetos; e phuv oda dikhel a izdral.

2. Mojžišoskro 14:28

O paňi pes visarďa pale a zaučharďa la armada, le muršen pro graja the o verdana, save džanas pal o Izraeliti. Ňiko lendar na ačhiľa džido.

2. Mojžišoskro 19:18

Calo verchos Sinaj sas andro thuv, bo o RAJ avľa pre leste tele andre jag. O thuv andral leste džalas sar te andral o bov, a calo verchos igen izdralas.

Habakuk 3:15

Tire grajenca uštares pro moros, pro bare rozburimen paňa.

Rimanenge 11:33

Ó, savo baro hino o Del andre peskro barvaľipen, goďaveripen the prindžaripen! Ko šaj achaľol leskre sudi a ko šaj avel pre oda, save hin leskre droma?