Žalmi 77:18 - Le Devleskero Lav Andre Romaňi Čhib Slovensko 2021

¹⁸ O chmari čhorenas avri o paňi, o ňebos herminelas a tire šipi ľecinenas pre savore seri.

Žalmi 77:18 ပူးပေါင်းရင်းမြစ်များ

2. Samueloskro 22:14

Paľis o RAJ herminďa andral o ňebos a o hangos le Nekbaredere Devleskro šunďiľa.

2. Samueloskro 22:8

E phuv pes čhalaďa a razisaľiľa, čhalade pes o zakladi le ňeboskre, bo ov sas choľamen.

Žalmi 104:7

Sar o paňa pokarhinďal, denašle het; daranďile tire perumoskre hangostar,

Žalmi 18:14

O RAJ herminďa andral o ňebos, o hangos le Nekbaredere Devleskro šunďiľa, o krupi the o jagale angara.

Žalmi 18:15

Ľivinďa peskre šipi, roztradňa le ňeprijaťeľen le but bleskenca a on denašle.

Žalmi 18:7

Sar somas andro pharipen, vičinavas a rovavas pre miro Del, hoj mange te pomožinel. Andral peskro chramos šunďa miro hangos, miro viskišagos geľa dži anglal leste andre leskre kana.

Žalmi 97:4

Leskre bleskendar hin o švetlos pre calo svetos; e phuv oda dikhel a izdral.

2. Mojžišoskro 19:16

Pro trito džives sig tosara pro verchos chudňa te herminel a te marel o bleski. E kaľi chmara les zaučharďa andre a šunďolas odarik igen zoralo hangos la trubakro a savore manuša andro taboris izdranas daratar.

2. Mojžišoskro 19:18

Calo verchos Sinaj sas andro thuv, bo o RAJ avľa pre leste tele andre jag. O thuv andral leste džalas sar te andral o bov, a calo verchos igen izdralas.

Habakuk 3:4

Ov švicinel sar o bleski; o luči aven avri andral leskre vasta, leskri zor hin garuďi andre lende.

Matuš 27:51

Akor o pochtan, so sas figimen andro chramos, phariľa pro jepaš uprunestar dži tele, e phuv razisaľolas a o skali pharonas.

Matuš 28:2

A dikh, e phuv zorales razisaľiľa, bo o aňjelos le Rajeskro avľa tele andral o ňebos, odcirdňa o bar pašal o hrobos a bešľa peske upre.

Zjaveňje 11:19

Pal ada pes phundraďa o chramos le Devleskro andro ňebos a dičholas e archa la zmluvakri. Avle o bleski, šunďile o hlasi, demade o perumi, e phuv razisaľolas a delas baro brišind le krupenca.

Zjaveňje 18:1

Paľis dikhľom te avel tele andral o ňebos avre aňjelos, saves sas bari zor. Leskra slavatar e phuv rozvidňisaľiľa.

Zjaveňje 20:11

Dikhľom baro parno tronos the Oles, ko upre bešelas. E phuv the o ňebos anglal leste denašľa a na sas prekal lende than.

Sudcengro 5:4

RAJEJA, sar tu avri avľal andral o Seir a sar džahas la phuvatar Edom, zarazisaľiľa e phuv, andral o ňebos delas brišind a andral e chmara čhorďolas o paňi.