Žalmi 77:12 - Le Devleskero Lav Andre Romaňi Čhib Slovensko 2021

¹² Leperava mange pro skutki le RAJESKRE, He, leperava mange tire čirlaskre zazraki.

Žalmi 77:12 ပူးပေါင်းရင်းမြစ်များ

Žalmi 104:34

Oda, pal soste gondoľinav, mi el leske pre dzeka! Radisaľuvava andro RAJ.

Žalmi 105:2

Giľaven leske, bašaven leske! Vakeren pal savore leskre zazraki!

Žalmi 105:5

Leperen tumenge pro zazraki, pro bare veci, so kerďa, the pre oda, sar sudzinelas,

Žalmi 119:52

RAJEJA, leperav mange pre tire čirlatune prikazi a arakhľom andre lende o radišagos.

Žalmi 143:5

Leperav mange pre ola dživesa, so sas varekana, gondoľinav pal savoreste, so kerďal, avel mange pre goďi e buči, so kerďal tire vastenca.

Žalmi 145:11

Mi vakeren pal e slava tire kraľišagoskri, mi phenen pal tiri zor,

Žalmi 145:4

Jekh pokoleňje avreske lašarel tire bare veci, so kerďal; vakerel pal tire zorale skutki.

Žalmi 71:24

Miri čhib vakerela calo džives pal tiro spravodľišagos, bo ola, ko man kamle te dukhavel, ľoľile avri a ladžanas pes.

Izajaš 63:11

Avke peske on leperde pro dživesa, so sas varekana, pro Mojžiš the pre leskre manuša: „Kaj hino oda, ko len ľidžalas avri prekal o moros peskre stadoskre pasťjeriha le Mojžišoha? Kaj hino oda, ko thoďa andre leste peskre Svete Duchos?

5. Mojžišoskro 6:7

a sikaveha len tire čhaven; vakereha pal lende, sar bešeha andre tiro kher, sar džaha pro drom, sar džaha te pašľol the sar ušťeha.

5. Mojžišoskro 7:18

Ma daran lendar! Leperen tumenge pre oda, so kerďa o RAJ, tumaro Del, le Faraonoske the cale Egiptoske.

5. Mojžišoskro 7:19

Tumen korkore dikhľan, sar o RAJ peskre zorale vasteha kerďa ola bare zazraki the znameňja, savenca tumen o RAJ, tumaro Del, ľigenďa avri andral o Egipt. O RAJ kerela avke the le narodenca, savendar akana daran.