Žalmi 74:18 - Le Devleskero Lav Andre Romaňi Čhib Slovensko 2021

¹⁸ Leper tuke, RAJEJA, sar tutar o ňeprijaťeľis asal, sar o diline dikhen tele tiro nav.

Žalmi 74:18 ပူးပေါင်းရင်းမြစ်များ

2. Kraľengro 19:4

O asiriko kraľis bičhaďa peskre veľiťeľis le Rabšake, hoj te vakerel namištes pro džido Del. Mi šunel o RAJ, tiro Del, savore kala nalačhe lava a mi marel oles, ko kavke vakerel. Vašoda modľin tut ko Del vaš amare manuša, save mek ačhile te dživel.‘ “

2. Kronicko 32:19

On vakerenas pal o RAJ, pal o Jeruzalemoskro Del, avke sar pal o devla avre narodengre – devla, saven kerde peskre vastenca.

Žalmi 137:7

RAJEJA, ma pobister le Edomitenge oda, so vičinenas akor, sar peľa tele o Jeruzalem: „Čhiven les tele, čhiven les tele dži o zakladi!“

Žalmi 39:8

Avke akana, pre soste užarava, RAJEJA? Mukav man pre tu,

Žalmi 41:1

Oleske, ko ľidžal o bašaviben. Le Davidoskro žalmos.

Žalmi 74:22

Ušťi upre, Devla, braňin tut! Leper tuke, sar tutar o dilino asal calo džives!

Roviben le Jeremijašiskro 5:1

Leper tuke, RAJEJA, so pes amenca ačhiľa; dikh pre amende, sar amen tele dikhen!

Ezechiel 20:14

Ale vaš miro nav oda na kerďom, hoj te na el meľardo anglo jakha avre narodengre, save dikhle, sar iľom avri mire manušen.

Ezechiel 35:13

Lašarehas tut pre ma, šmelones pre ma vakerehas a me oda šunďom.

5. Mojžišoskro 32:27

ale daravas man olestar, so phendehas tire ňeprijaťeľa: „Oda amen zviťazinďam upral o Izrael, o RAJ oda na kerďa.“ ‘

5. Mojžišoskro 32:6

Kada den pale le RAJESKE, manušale diline the nagoďaver? Nane ov tumaro Dad, tumaro Stvoriťeľis, savo tumendar kerďa zoralo narodos?

Zjaveňje 16:19

Oda baro foros pes prečhinďa pro trin kotora a o fori le narodengre pele. O Del na bisterďa aňi pre oda baro Babilon a diňa leske te pijel e mol andral peskri kuči, e mol peskra bara choľakri.