Žalmi 74:15 - Le Devleskero Lav Andre Romaňi Čhib Slovensko 2021

¹⁵ Phundraďal o prameňis the o prudi le paňeskre; šučarďal avri o paňa, so furt čuľan.

Žalmi 74:15 ပူးပေါင်းရင်းမြစ်များ

2. Kraľengro 2:14

Hazdňa o plašťos a zvičinďa: „Kaj hin o RAJ, o Del le Eliašiskro?“ Avke le plašťoha demaďa pal o paňi, o paňi pes rozďelinďa pro duj seri a o Elizeus odarik pregeľa.

2. Kraľengro 2:8

O Eliaš iľa peskro plašťos, pačarďa les andre a demaďa leha pal o paňi. Avke pes o paňi rozďelinďa pro duj seri a sodujdžene pregele pre aver sera pal e šuki phuv.

Žalmi 105:41

Phundraďa e skala a avľa avri pherdo paňi, čuľalas sar e jarka pre pušťa.

Žalmi 114:3

O moros oda dikhľa a denašľa, o paňi Jordan chudňa te džal palal,

Žalmi 78:15

Pharaďa e skala pre pušťa a diňa len but paňi dži telal e phuv,

Izajaš 11:16

Andral e Asirija avela avri o baro drom prekal leskre manuša, prekal o Izraeliti, so ode predžiďile, ajso sar sas lengre daden akor, sar avle avri andral o Egipt.

Izajaš 44:27

Le bare moroske phenav: ‚Šučuv avri! Tire paňa šučarava avri.‘

Izajaš 48:21

Sar len o RAJ ľidžalas pal e pušťa, na cerpinenas smedos; ov diňa, hoj lenge o paňi te džal andral e skala, pharaďa e skala pre jepaš a demaďa avri o paňi.

Habakuk 3:9

Tu sal pripravimen te lel tiro lukos, te mukel avri tire šipi. Le paňenca rozďelinďal e phuv

4. Mojžišoskro 20:11

O Mojžiš hazdňa e paca andro vast a duvar demaďa pre skala. Avľa avri andral late igen but paňi a savore manuša the dobitkos pile olestar.

Jozua 2:10

Šunďam, sar o RAJ anglal tumende šučarďa avri o Lolo moros, sar džanas avri andral o Egipt. Šunďam the oda, so kerďan le duje amorejike kraľenge pro vichodos le Jordanostar, le Sichonoske the le Ogoske, hoj len murdarďan savoreha, so len sas.

Zjaveňje 16:12

Šovto aňjelos čhiďa avri peskri kuči pro baro paňi Eufrat a šučiľa avri leskro paňi, hoj pes te pripravinel o drom le kraľenge andral o vichodos.