Žalmi 73:3 - Le Devleskero Lav Andre Romaňi Čhib Slovensko 2021

³ Bo zavidzinavas le barikanenge, sar dikhavas, hoj le nalačhenge džal mištes avri.

Žalmi 73:3 ပူးပေါင်းရင်းမြစ်များ

O Job 12:6

O stani le zbujňikengre hine andro smirom, ola, ko provokinen le Devles, dživen bi e dar – lengri zor hin o del, saves on lašaren.

O Job 17:8

Ola, ko pestar keren spravodľiva, predaran a o ňevinna man odsudzinen sar bijedevleskres.

O Job 21:7

Soske o nalačhe manuša dživen, phuron a barol lenge e zor?

O Job 24:23

O Del lenge domukel, hoj pes te šunen, hoj hine andro smirom, ale leskre jakha pozorinen pre lengre droma.

Žalmi 10:5

Leskre droma leske aven avri andre dojekh časos; tire zakoni hine leske igen učes; asal avri peskre ňeprijaťeľen.

Žalmi 37:1

Le Davidoskro žalmos. Ma choľar tut le nalačhenca, ma zavidzin olenge, ko keren o nalačhipen!

Žalmi 37:7

Av čhit anglo RAJ a užar pre leste! Ma trapin tut, te varekaske džal mištes; te varekaske avel avri leskre nalačhe plani.

Prislovja 23:17

Te na zavidzinel tiro jilo le binošnenge, ale feder kereha, te phireha andre sveto dar anglo RAJ sako džives,

Prislovja 24:1

Ma zavidzin le nalačhe manušenge a ma kam lenca te avel,

Prislovja 3:31

Ma zavidzin le manušeske, savo pes marel, a ma ker avke sar ov,

Kazaťeľis 7:15

Kada savoro dikhľom andre mire zbitočna dživesa: Hin lačho manuš, so merel sig, kajte hino lačho, a hin nalačho manuš, so dživel but, kajte hino nalačho.

Jeremijaš 12:1

„RAJEJA, tu sal furt spravodľivo, sar man tuha kerav. No the avke tuha kamav te vakerel pal o čačipen. Soske le nalačhenge avel avri lengro drom? Soske peske savore ňeverna dživen andro smirom?

Malachijaš 3:15

Akana phenas pro barikane, hoj hine požehňimen. Na ča oda, hoj sa lenge avel avri, ale mek pokušinen le Devles, a furt lenge savoro predžal.‘ “

Jakob 4:5

Abo gondoľinen tumenge hoj ča avke phenel le Devleskro Lav: „O Del žjarlivones tužinel pal o duchos, saves diňa andre amende te bešel?“