Žalmi 73:25 - Le Devleskero Lav Andre Romaňi Čhib Slovensko 2021

²⁵ Ko man hin pro ňebos, te na tu? A pre phuv mange na džal pal ňisoste, ča pal tu!

Žalmi 73:25 ပူးပေါင်းရင်းမြစ်များ

Žalmi 104:34

Oda, pal soste gondoľinav, mi el leske pre dzeka! Radisaľuvava andro RAJ.

Žalmi 16:11

Des mange te prindžarel o drom le dživipnaskro, paš tute hin pherdo radišagos, pal tiri čači sera hin o lačhipen pro furt.

Žalmi 16:2

Phenav le RAJESKE: „Tu sal miro RAJ! Bijal tu man nane ňič lačho.“

Žalmi 16:5

Tu, RAJEJA, sal miro ďeďictvos, tu mange keres miro drom, miro dživipen hin andre tire vasta.

Žalmi 17:15

Ale me, RAJEJA, vašoda, hoj som čačipnaskro, dikhava tiro muj; sar uščava andral o soviben, dikhava tut muj-mujeha a radisaľuvava.

Žalmi 37:4

Radisaľuv andro RAJ a dela tut, pal soste tiro jilo tužinel.

Žalmi 43:4

Avke avava paš o oltaris le Devleskro, ko Del, savo mange del te radisaľol. Radisaľuvava a pre harfa tut lašarava, Devla, miro Devla.

Žalmi 63:3

De tut mange te dikhel andro sveto Chramos, hoj te dikhav tiri zor the tiri slava.

Žalmi 89:6

O ňebos lašarel tire zazraki, RAJEJA, a tiri vernosť bararen tire sveta, sar hine jekhetane.

Matuš 10:37

Oda, ko dikhel radeder peskre dades abo peskra da sar man, nane hodno, hoj te avel miro učeňikos. A oda, ko dikhel radeder peskre čhas abo peskra čha sar man, nane hodno, hoj te avel miro učeňikos.

Matuš 5:8

Bachtale hine o žužejileskre, bo on dikhena le Devles.

Filipanenge 3:8

Ale čačes dikhav savoro sar našaďipen, bo vzacneder mange hin, hoj te prindžarav le Ježiš Kristus, mire Rajes. Vaš leste oda savoro odčhiďom a hin mange oda sar šmeci, hoj te dochudav le Kristus

1. Jan 3:2

Mire lačhe phralale, akana sam le Devleskre čhave, ale mek pes na sikaďa, so avaha. Ale džanas, hoj sar pes sikavela, avaha ajse sar ov, bo dikhaha les avke, sar hino.

Zjaveňje 21:3

Le tronostar šunďom zoralo hangos, so phenďa: „Dikh, o Stanos le Devleskro hino maškar o manuša. O Del bešela maškar lende a on ena leskre manuša. Korkoro o Del, lengro Del, ela lenca.