Žalmi 73:18 - Le Devleskero Lav Andre Romaňi Čhib Slovensko 2021

¹⁸ He, thoves len te ačhel pro šľickaca thana a keres, hoj te peren a imar te na ušťen.

Žalmi 73:18 ပူးပေါင်းရင်းမြစ်များ

Žalmi 35:6

Mi el lengro drom kalo the šľiskaco, sar o aňjelos le RAJESKRO pal lende denašela!

Žalmi 37:20

Ale o nalačhe manuša merena. O ňeprijaťeľa le RAJESKRE našľona sar o kvitki pre maľa, našľona sar o thuv.

Žalmi 37:24

Te leske poddžala o pindre, na perela, bo o RAJ les chudel vastestar.

Žalmi 55:23

De tire pharipena le RAJESKE a ov pes pal tu starinela. Šoha na domukela, hoj pes o spravodľivo manuš te čhalavel.

Žalmi 92:7

O nagoďaver manuš oda na džanel a o dilino oda na achaľol.

Žalmi 92:8

Kajte o nalačhe manuša baron sar čar a savore bitanga kvitňisaľon, the avke ena zňičimen pro večno meriben.

Žalmi 94:23

Ov lenge visarela pale vaš lengre bini a zňičinela len vaš lengro nalačhipen; o RAJ, amaro Del, len zňičinela!

Jeremijaš 23:12

Vašoda ela lengro drom šľickaco, rači lenge poddžana o pindre a perena upre. Mukava pre lende e pohroma andre oda berš, sar ena marde,“ phenel o RAJ.

5. Mojžišoskro 32:35

Miri pomsta the miro trestos pes sikavela; poddžala lenge o pindro. Lengro džives la pohromakro hino pašes; sig pre lende avel oda, so kamel te avel.

2. Tesaloničanenge 1:9

Lengro trestos hin, hoj ena zňičimen pro furt dur le Rajeskre mujestar the leskra slavakra zoratar,