Žalmi 71:5 - Le Devleskero Lav Andre Romaňi Čhib Slovensko 2021

⁵ Adonaj, tu sal miri naďej, RAJEJA, tuke pačav mire terňipnastar.

Žalmi 71:5 ပူးပေါင်းရင်းမြစ်များ

1. Kraľengro 18:12

Se sar džava tutar het, le RAJESKRO Duchos tut šaj odľidžal het a me na džanava kaj. Sar oda džava te phenel le Achaboske a paľis tut na arakhela, murdarela man. Se me, tiro služobňikos, terňipnastar lašarav le RAJES.

2. Kronicko 34:3

Andro ochtoto berš, sar o Jozijaš kraľinelas a mek sas terno, chudňa te rodel le prapapuskre le Davidoskre Devles. O Jozijaš andro dešudujto (12.) berš chudňa te obžužarel e Judsko the o Jeruzalem avke, hoj zňičinďa o uče thana pro lašariben, la Ašerakre slupi the savore avre modli.

Žalmi 119:166

Užarav, hoj man zachraňineha, RAJEJA, a doľikerav tire prikazaňja.

Žalmi 119:81

Miri duša imar na birinel, so ajci užarel pre tiro spaseňje; mukav man pre tiro lav.

Žalmi 13:5

hoj te na phenel miro ňeprijaťeľis: Domarďom les! A te na radisaľol, te me perava.

Žalmi 39:7

Leskro dživipen predžal sar ciňos; o manuš siďarel a nane soske; skidel o barvaľipen, aňi na džanel, kaske oda ačhela.

Žalmi 42:11

Sar mange mire ňeprijaťeľa dophenen, dukhal man oda dži andro kokala, sar mandar calo džives phučen: „Kaj hino tiro Del?“

Žalmi 71:17

Devla, sikavehas man terňipnastar a me dži akana vakerav pal tire bare skutki.

Kazaťeľis 12:1

Ma bister pre tiro Stvoriťeľis andre ola dživesa, sar mek sal terno, angloda sar avena o phare dživesa a ena pašes o berša, sar pheneha: „Nane man imar radišagos andro dživipen“ –

Jeremijaš 14:8

Tu, so sal e Naďej le Izraeloskri the leskro Zachrancas andral o pharipen, soske sal sar o cudzincos andre amari phuv, sar o putňikos, so ačhel te presovel ča jekh rat?

Jeremijaš 17:13

RAJEJA, tu sal e Naďej le Izraeloskri. Savore, ko tut omuken, pes ladžana. Ola, ko tutar džan het, ena pisimen andro prachos la phuvakro, bo omukle le RAJES, o prameňis le džide paňeskro.

Jeremijaš 17:17

Ma ker, hoj te predarav! Se tu sal miro than, kaj man garuvav andro džives, sar avel o pharipen.

Jeremijaš 17:7

Bachtalo hin oda murš, savo pes mukel pro RAJ a thovel peskro pačaben andro RAJ.

Jeremijaš 50:7

Sako, ko len arakhelas, len chalas tele a lengre ňeprijaťeľa vakerenas: ‚Na ela amen ňisavi vina, bo on kerenas o bini anglal o RAJ, savo pes pal lende verňe starinelas a pre savo pes lengre dada savoreha mukenas!‘ “

Лукастар 2:40

O čhavoro, o Ježiš, barolas the zoraľolas pro duchos; sas igen goďaver a le Devleskri milosť sas upral leste.

Rimanenge 15:13

A o Del, savo amen del e naďej, tumen mi pherdžarel savore radišagoha the smiromoha andro pačaben, hoj te baron prekal e zor le Svete Duchoskri andre naďej.

2. Timoteoske 3:15

Bo imar ciknovarestar prindžares le Devleskre lava, so tut den goďi pre oda, hoj te aves zachraňimen le pačabnaha andro Ježiš Kristus.

1. Samueloskro 16:13

Avke o Samuel iľa o rohos le olejoha a pomazinďa les anglal savore leskre phrala a o Duchos le RAJESKRO avľa pro David a ačhiľa pre leste ole dživesestar. Paľis o Samuel ušťiľa a odgeľa andre Rama.