Žalmi 71:13 - Le Devleskero Lav Andre Romaňi Čhib Slovensko 2021

¹³ De, hoj pes te ladžan a te aven zňičimen ola, ko džan pre miro dživipen. Mi ladžan pes a mi en pokorimen ola, ko man kamen te dukhavel.

Žalmi 71:13 ပူးပေါင်းရင်းမြစ်များ

Ester 9:2

Andral dojekh provincija le kraľiskri le Ahasveroskri pes savore Židi jekhetane zgele andre peskre fori, hoj pes te maren ole manušenca, save len kamenas te murdarel. Anglo Židi ňiko na obačhiľa, bo pre savore narodi avľa bari dar.

Žalmi 109:29

Mi uren mire žalobcen andre ladž; mi pačaren len andre ladž avke sar andro plašťos.

Žalmi 132:18

Leskre ňeprijaťeľen urava andre ladž, ale pre leskro šero bľišťisaľola e kraľiko koruna.“

Žalmi 35:26

Mi ladžan pes a mi ľoľon avri savore, ko radisaľon mire pharipnaske. Mi en urde andre ladž a teledikhle ola, ko pes pre ma ľidžan upre.

Žalmi 35:4

Mi ladžan pes a mi en pokorimen ola, ko man kamen te murdarel. Mi visaren pes pale ladžaha ola, ko mange gondoľinen te kerel o nalačho.

Žalmi 6:10

O RAJ šunďa avri miro baro mangipen; o RAJ priiľa miri modľitba.

Žalmi 70:3

Mi ladžan pes a mi ľoľon avri savore, ko mange kamen te lel o dživipen. Mi visaren pes pale ladžaha ola, ko mange žičinen o trapišagos.

Žalmi 71:24

Miri čhib vakerela calo džives pal tiro spravodľišagos, bo ola, ko man kamle te dukhavel, ľoľile avri a ladžanas pes.

Izajaš 41:11

Dikh, savore, ko pre tu chan choľi, ena pre ladž the pro asaben; ola, ko pre tu džan, našľona a merena.

Jeremijaš 20:11

Ale o RAJ hino manca sar o zoralo hrďinas, vašoda ola, ko pre ma džan, perena tele a našťi man ňič kerena. Doperena andre bari ladž, bo našťi man domarena, pre lengri ladž pes šoha na bisterela.

1. Peter 5:5

Avke the tumen o terneder: Podden tumen le phurederenge a savore tumen podden jekh avrenge. A uren tumen andre pokora, bo o Del pro barikane džal, ale le pokornen del peskri milosť.