Žalmi 7:2 - Le Devleskero Lav Andre Romaňi Čhib Slovensko 2021

² RAJEJA, Devla miro, ke tute man denašav te garuvel. Zachraňin man savorendar, so pre mande džan, a le man avri,

Žalmi 7:2 ပူးပေါင်းရင်းမြစ်များ

2. Samueloskro 14:6

Sar mire duj čhave sas pre maľa, vesekedinde pes maškar peste a na sas ode ňiko, hoj len pestar te odlel. Jekh lendar demaďa dujtones avke, hoj les murdarďa.

O Job 10:7

Kajte džanes, hoj na som vinnovato a hoj man ňiko našťi cirdel avri tire vastendar?

Žalmi 10:9

Sar o ľevos užarel garudo andre peskri chev, avke užarel ov, hoj te chudel le slabes. Chudela le slabes a cirdela les pal peste andre sita;

Žalmi 11:1

Oleske, ko ľidžal o bašaviben. Le Davidoskro žalmos. Andro RAJ man garuvav. Sar mange šaj phenen: „Odľecin sar čiriklo pre tiro verchos!“?

Žalmi 16:1

O michtam le Davidoskro. Ochraňin man, Devla, bo ke tute man denašav te garuvel!

Žalmi 17:12

avke sar o ľevos, so kamel te rozčhingerel e korisť, sar o terno ľevos skurčimen pro garude thana.

Žalmi 22:13

Rozthode pes pašal ma but biki, o biki le Bašanoskre pes zgele pašal ma.

Žalmi 31:2

RAJEJA, ke tu man denašľom te garuvel, ma domuk šoha, hoj man te ladžav! Zachraňin man tire spravodľišagoha!

Žalmi 35:15

Ale sar me peľom, on pes zgele a radisaľonas mange. O bitanga, saven na prindžaravas, zgele pes pre mande, hoj mandar te asan, marenas man a na preačhenas.

Žalmi 50:22

„Tumen, so bisteren pro Del, achaľon kaleske, hoj tumen te na čhingerav pro kotora a na pomožinela tumenge ňiko.

Žalmi 59:2

Devla miro, le man avri mire ňeprijaťeľendar! Chraňin man olendar, ko pre ma aven!

Prislovja 19:12

E choľi le kraľiskri hin sar e vika le terne ľevoskri, ale leskro lačhipen hin sar e rosa pre čar.

Izajaš 38:13

Caľi rat rovav dukhatar; sar te mange o ľevos phagerďahas savore mire kokala. Dživesestar dži rači skončinďal mire dživipnaha.

5. Mojžišoskro 33:20

Pal o kmeňos Gad phenďa: „Mi el lašardo o RAJ, savo kerďa bareder leskri phuv. O Gad užarel sar o ľevos, hoj te odčhinel o vast abo o šero.

2. Timoteoske 4:17

Ale o Raj ačhelas paš ma a zoraľarďa man, hoj te avel prekal mande vakerdo o evaňjelium a hoj les te šunen savore narodi. Somas avricirdlo andral o piskos le ľevoske.

1. Peter 5:8

Aven paš e goďi a ma soven! Bo oda, ko pre tumende džal, o beng, phirel upre tele sar o choľamen ľevos, savo rodel kas te chal.

Sudcengro 18:28

Ňiko len na avľa te zachraňinel, bo oda foros sas dur le Sidonostar a na sas len ňič avre manušenca. Oda foros sas pašes andre dolina Bet-Rechob. Paľis o murša andral o kmeňos Dan oda foros pale budinde avri a bešenas ode.