Žalmi 7:15 - Le Devleskero Lav Andre Romaňi Čhib Slovensko 2021

¹⁵ Dikh, o nalačho manuš ačhel khabno le nalačhipnastar, hordinel o pharipen a ločhol o klamišagos.

Žalmi 7:15 ပူးပေါင်းရင်းမြစ်များ

Ester 7:10

On gele a figinde le Haman pre kaštuňi šibeňica, so diňa te kerel prekal o Mordekaj. Akor le kraľiskri choľi preačhiľa.

O Job 15:35

Ločhona o pharipen a uľola lenge o nalačhipen; andro jilo len hin ča o klamišagos.“

O Job 4:8

Andre miro dživipen dikhľom kada: Ola, ko sadzinen o nalačhe veci a rozčhivkeren o bini sar o zrnka, skidena oda upre.

O Job 6:27

He, tumen čhiďanas losoha mek the vaš e širota a kšeftinďanas the tumare prijaťeľenca!

Žalmi 10:2

O nalačho manuš andre peskro baripen džal pro čore manuša. Mi chudel pes andro pasci, so kerďa!

Žalmi 119:85

O barikane, save na dživen pal tiro zakonos, mange pripravinde o cheva sar pasci.

Žalmi 141:10

Mi peren o nalačhe andre peskre siti, ale me len mi obdžav.

Žalmi 57:6

Av barardo, Devla, upral o ňebos, tiri slava mi džal pal caľi phuv!

Žalmi 94:13

hoj leske te des te odpočovinel le nalačhe dživesendar, medik pes le nalačhe manušeske kopaľinel e chev.

Prislovja 26:27

Te kopaľineha e chev avreske, tu korkoro andre pereha; te ispideha o baro bar pre avreste, oda bar visaľola pre tu.

Prislovja 5:22

Le bijedevleskres dochudena leskre nalačhipena; ela phandlo andro puta peskre binengre.

Izajaš 33:11

Užarena o phus a ločhona o plevi; tumaro dichos hino e jag, so tumen zlabarela.

Izajaš 59:4

Ňikaske na džal pal o spravodľišagos a ňiko na sudzinel pačivales. Muken pes pro chocsave lava a vakeren o klamišagos; khabňon o trapišagos a ločhon o nalačhipen.

Jeremijaš 18:20

Či šaj vaš o lačho te počinel nalačhipnaha? No on mange kopaľinde avri e bari chev! Leper tuke, hoj ačhavas angle tute mangavas tut vaš lenge, hoj lendar te visares tiri choľi.

Daniel 6:25

O kraľis prikazinďa, hoj te anen olen, ko klamišagoha dine andre le Daniel, a čhide len andre chev maškar o ľevi lengre čhavenca the romňijenca. Mek aňi na dopele dži pre phuv andre chev a imar pre lende chučile o ľevi a phagerde lenge o kokala.