Žalmi 7:10 - Le Devleskero Lav Andre Romaňi Čhib Slovensko 2021

¹⁰ Mi preačhel o nalačhipen zaačh vaš o čačipnaskro manuš, čačipnaskro Devla, so dikhes dži andro jilo the andre goďi.

Žalmi 7:10 ပူးပေါင်းရင်းမြစ်များ

1. Mojžišoskro 15:1

Pal oda savoro, so pes ačhiľa, sas le Abram viďeňje a šunelas, sar leske o RAJ phenel: „Ma dara tut, Abram, me som tiro šťitos, tiri bari odmena.“

1. Kronicko 28:9

A tu Šalamun, čhavo miro, sprindžar tire dadeskre Devles a služin leske cale jileha the goďaha, bo o RAJ džanel amare jile the amaro gondoľišagos. Te les rodeha, dela pes tuke te arakhel, ale te tut lestar odvisareha, omukela tut pro furt.

2. Kronicko 6:30

šun les avri andral o ňebos, kaj bešes, a odmuk lenge! Počin dojekheske pal oda, sar dživel, se tu korkoro džanes o jile savore manušengre,

O Job 8:6

te sal žužo the čačejileskro, ta ov tuke pomožinela a dela tuke pale tira famelija a kerela, hoj tuke te džal savoro mištes.

Žalmi 112:2

Leskre čhave ena zorale pre phuv; o potomstvos le čače manušeskro ela požehňimen.

Žalmi 125:4

RAJEJA, ker o lačho olenge, ko hine lačhe, olenge, ko hine čačipnaskre andro jile!

Žalmi 3:3

But džene pal ma phenen: „O Del leske na pomožinela!“

Žalmi 84:11

Feder hin jekh džives andre tiro kher, sar ezeros avrether! Radeder ačhava pro prahos andro kher mire Devleskro, sar hoj te bešav andro stani le nalačhe manušengre.

Žalmi 89:18

bo tu sal lengri slava the zor a tire lačhipnaha barol amari zor.

Prislovja 11:20

O RAJ našťi avri ačhel olen, kaskre jile hine previsarde, ale pre dzeka leske hine ola, ko furt keren oda, so hin lačho.

Prislovja 2:21

Bo o pačivale bešena andre phuv a o žuže anglo Del ačhena andre,

Prislovja 28:18

Ko phirel žuže dromeha, ela zachraňimen, no oda, ko phirel pal o previsarde droma, jekhvareste perela.

Jeremijaš 11:20

Ale tu, Nekzoraleder RAJEJA, so sudzines spravodľivones a skumines o jilo the e goďi, de mange te dikhel tiri pomsta pre lende, bo angle tu anďom miro pharipen.

Jeremijaš 17:10

Me, o RAJ, skuminav o jile a skušinav o gondoľišagos, hoj te počinav sakoneske pal oda, sar dživelas, pal oda, savo ovocje anenas leskre skutki.