Žalmi 7:1 - Le Devleskero Lav Andre Romaňi Čhib Slovensko 2021

¹ Le Davidoskri žaľakri giľi, savi giľavelas le RAJESKE, anglo Benjaminovcos Kuš.

Žalmi 7:1 ပူးပေါင်းရင်းမြစ်များ

Žalmi 11:1

Oleske, ko ľidžal o bašaviben. Le Davidoskro žalmos. Andro RAJ man garuvav. Sar mange šaj phenen: „Odľecin sar čiriklo pre tiro verchos!“?

Žalmi 13:3

Dži kana hordinava o pharipen andre duša a džives so džives e žaľa andro jilo? Dži kana pes miro ňeprijaťeľis pre mande ľidžala upre?

Žalmi 13:5

hoj te na phenel miro ňeprijaťeľis: Domarďom les! A te na radisaľol, te me perava.

Žalmi 18:2

Igen tut kamav, RAJEJA, tu sal miri zor!

Žalmi 18:28

Bo tu zachraňines le pokorne manušen, ale pokorines olen, kaskre jakha hine barikane.

Žalmi 25:2

Pre tute man mukav, ma domuk, hoj man te ladžav, hoj te na radisaľon mire ňeprijaťeľa upral ma.

Žalmi 26:1

Le Davidoskro žalmos. Zaačh vaš ma, RAJEJA, bo dživavas žužes, pačavas andre tu, RAJEJA, a na pochibinavas.

Žalmi 3:7

Na darav man le but ezera manušendar, so pes rozthode pašal ma.

Žalmi 30:12

Miro roviben visarďal pro kheľiben; čhiďal pal ma tele o kale gada a urďal man andro radišagos,

Žalmi 30:2

RAJEJA, bararav tut, bo tu man zachraňinďal a na domukľal, hoj te radisaľon ola, ko pre ma džan.

Žalmi 31:15

Ale me pačav tuke, RAJEJA. Phenav mange: „Tu sal miro Del!“

Žalmi 32:10

Le nalačhes hin pherdo dukha, ale oda, ko pes mukel pro RAJ, ela učhardo andre leskre verne kamibnaha.

Žalmi 43:4

Avke avava paš o oltaris le Devleskro, ko Del, savo mange del te radisaľol. Radisaľuvava a pre harfa tut lašarava, Devla, miro Devla.

Žalmi 89:26

Thovava leskro vast pro moros a leskro čačo vast pro bare paňa.

Izajaš 50:10

Daral pes vareko tumendar le RAJESTAR a šunel o lav leskre služobňikoskro? Predžal vareko prekal o kaľipen a na dikhel ňisavo švetlos? Mi pačal andro nav le RAJESKRO a mi mukel pes pre peskro Del!

Jeremijaš 15:15

Me phenďom: „Tu džanes, RAJEJA, leper tuke pre ma a pomožin mange; pomsťin tut vaš mande mire ňeprijaťeľenge! Ma domuk lenge te lel man het. Soske mek zľikeres tiri choľi? Se tu džanes, hoj vaš tute cerpinav.

Jeremijaš 20:11

Ale o RAJ hino manca sar o zoralo hrďinas, vašoda ola, ko pre ma džan, perena tele a našťi man ňič kerena. Doperena andre bari ladž, bo našťi man domarena, pre lengri ladž pes šoha na bisterela.

Jeremijaš 31:18

„Šunďom o roviben le Efrajimoskro: ‚Karhinehas man sar le bikocis, so nane skrocimen, a me man diňom te karhinel. An man pale paš tu a me avava pale, se tu sal o RAJ, miro Del.

Daniel 9:4

Modľinavas man ko RAJ, ke miro Del, a phenavas avri mire bini: „Ó, Rajeja, baro a zoralo Devla, so doľikeres pačivales e kamibnaskri zmluva olenca, ko tut kamen a doľikeren tire prikazaňja:

Habakuk 3:1

E modľitba, so pisinďa o prorokos Habakuk. E žaľakri giľi.

Zacharijaš 14:5

Akor tumen denašena ola dolinaha maškar mire verchi, bo odi dolina džala dži o Acal. Denašena, avke sar denašenas anglo zemetraseňje akor, sar sas o Uziaš kraľis andre Judsko. Akor avela o RAJ, miro Del, a savore sveta leha.

Jozua 14:8

Mire phrala, so manca džanas, darade avri le manušen. Ale me man ľikeravas le RAJESTAR, mire Devlestar.

1. Peter 1:21

Prekal leste pačan andro Del, savo les uštaďa andral o meriben a diňa les e slava, hoj tumaro pačaben the tumari naďej te avel andro Del.

1. Peter 4:19

Vašoda the ola džene, save cerpinen avke, sar oda o Del kamel, pes mi podden peskre verne Stvoriťeľiske a dureder mi keren o lačho.