Žalmi 69:5 - Le Devleskero Lav Andre Romaňi Čhib Slovensko 2021

⁵ Ola, ko man našťi avri ačhen, kajte len nane vaš soske, hine buter sar mire bala pro šero. Zorale hine ola, ko man kamen te zňičinel, o ňeprijaťeľa, so pre ma vakeren o klamišagos. Kamen, hoj te dav pale oda, so na čorďom!

Žalmi 69:5 ပူးပေါင်းရင်းမြစ်များ

Žalmi 17:3

Tu džanes miro jilo. Avľal ke ma rači, predikhľal man calones a na arakhľal andre ma ňisavo nalačho gondoľišagos; aňi mire vušta na kerde binos.

Žalmi 19:12

Den goďi tire služobňikos; oles, ko len doľikerel, užarel baro počiňiben.

Žalmi 35:19

Te na mange radisaľon mire falošna ňeprijaťeľa, te na peske keren jakhenca ola, ko man hijaba našťi avri ačhen!

Žalmi 38:5

Bo mire bini man zaile andre, sar baro pharipen, so hin phareder sar šaj zľidžav.

Žalmi 38:9

Som igen strapimen a zmardo, stukinav dukhatar andro jilo.

Jeremijaš 16:17

Se mire jakha dikhen pre savore lengre droma. Angle mande pes našťi garuven aňi lengre bini nane garude angle mire jakha.