Žalmi 68:35 - Le Devleskero Lav Andre Romaňi Čhib Slovensko 2021

³⁵ Vakeren pal le Devleskri zor! Leskri slava hin upral o Izrael, leskri zor hin andro chmari.

Žalmi 68:35 ပူးပေါင်းရင်းမြစ်များ

Nehemiaš 1:5

A phenďom: „Ó, RAJEJA, Devla pro ňebos! Tu sal baro the zoralo Del, savo doľikeres tiri zmluva the tiro verno kamiben olenca, ko tut kamen a doľikeren tire prikazaňja.

O Job 37:22

O Del avel pal o severos andre slava, savi švicinel sar o somnakaj, leskre bare šukaribnastar pre amende avel e dar.

Žalmi 29:1

Le Davidoskro žalmos. Lašaren le RAJES, savore ňeboskre bitosťi! Lašaren le RAJESKRI slava the zor!

Žalmi 29:11

O RAJ del zor peskre manušen; o RAJ požehňinela peskre manušen le smiromoha.

Žalmi 45:4

Phand tiri šabľa pašal tute, tu, zoralo muršeja! Uri tut andre slava the andro šukariben!

Žalmi 47:2

Tapčinen radišagoha le vastenca, savore narodale! Giľaven zorales le Devleske!

Žalmi 65:5

Bachtalo hin oda, kas tuke kides avri, kaske domukes te avel pašes paš tute, hoj te bešel andre tire dvori. Amen čaľuvaha le lačhipnastar andral tiro kher, andral tiro sveto Chramos.

Žalmi 66:20

Mi el barardo o Del, savo na odmarďa miro mangipen a na iľa mandar peskro verno kamiben!

Žalmi 66:5

Aven a dikhena, so o Del kerďa, leskre užasna skutki prekal o manuša!

Žalmi 76:12

Den le RAJESKE, tumare Devleske, oda, so phenďan! Oleske, kastar kampel te daral, mi anen o dari savore phuva, so hine pašal leste.

2. Mojžišoskro 15:1

Akor o Mojžiš the o Izraeliti giľade kadi giľi le RAJESKE: „Giľavava le RAJESKE, bo igen pes oslavinďa; čhiďa le muršes leskre grajeha andro moros.

Izajaš 40:29

Ov del zor oles, ko hino strapimen, a oles, ko na birinel, del bari zor.

Izajaš 40:31

Ale ola, ko užaren pro RAJ, chuden e nevi zor, ľecinen sar orli le kridlenca; denašen a nane strapimen, phiren a šoha na slabisaľon.

Izajaš 45:21

Den te džanel a aven mange te phenel; dovakeren tumen jekhetane: Ko kada vakerelas ešebnovarestar? Ko kada delas te džanel imar čirla? Či na me o RAJ? Aver Del nane, ča me. Nane aver čačo Del, savo šaj zachraňinel.

Zacharijaš 10:12

Me, o RAJ, len dava zor a andre miro nav dživena andro smirom,“ phenel o RAJ.

Efežanenge 3:16

hoj prekal o Duchos tumenge andral peskri barvaľi slava te del igen te zoraľol pro andruno manuš;

5. Mojžišoskro 33:25

Leskre fori mi en chraňimen le trastune branenca; mi dživel furt andro smirom.“

5. Mojžišoskro 33:26

„Nane ňiko ajso sar o Del le Ješurunoskro: Pal o ňebos siďarel, hoj tuke te pomožinel, pro chmari pes ľidžal andre peskri slava.

Filipanenge 4:13

Savoro birinav andro Kristus, bo ov man del zor.

Kološanenge 1:11

A mek mangas, hoj tumen te del savori zor peskra slavna zoratar, hoj te birinen savoro te zľidžal, te aven trpezľiva a radišagoha