Žalmi 68:2 - Le Devleskero Lav Andre Romaňi Čhib Slovensko 2021

² O Del ušťela a leskre ňeprijaťeľa pes rozdenašena; denašena angle leste ola, ko les našťi avri ačhen.

Žalmi 68:2 ပူးပေါင်းရင်းမြစ်များ

2. Samueloskro 10:13

Avke o Joab peskre muršenca džalas andro mariben pro Aramejčana, ale on lestar denašle.

2. Samueloskro 10:18

Ale o Aramejčana denašle le Izraelitendar. A o David the leskre murša murdarde 700 muršen pro verdana the 40 000 muršen pro graja. The le Šobach, le veľiťeľis upral e armada, dukhade a ov muľa pre oda than.

Žalmi 22:14

Phundrade pre ma o tlami sar dzivo the choľamen ľevos.

Žalmi 37:20

Ale o nalačhe manuša merena. O ňeprijaťeľa le RAJESKRE našľona sar o kvitki pre maľa, našľona sar o thuv.

Žalmi 76:7

Pre tiro dovakeriben, Devla le Jakoboskro, o graja the ola, ko upre bešenas, mule.

Žalmi 80:16

pal kada kmeňos, savo sadzinďa tiro čačo vast, pal o čhavo, saves tuke bararďal avri.

Žalmi 97:5

O verchi rozdžan sar e momeľi anglo RAJ, anglo Raj cale svetoskro.

Izajaš 33:3

O manuša denašena het tire hermišagoskre hangostar; sar tu ušťeha upre, o narodi pes rozdenašena.

Izajaš 64:2

Bo sar tu kerehas o bare skutki, save na užarahas, avehas tele a o verchi tutar izdranas.

Izajaš 9:18

E choľi le Nekzoraleder RAJESKRI labarel e phuv a leskre manuša hine sar o kašta pre jag; ňikaske nane pharo vaš peskro phral.

Jeremijaš 46:15

Soske pele tire slugaďa? Našťi obačhen, bo o RAJ len čhiďa tele.

Hozeaš 13:3

Vašoda našľona sar e tosarutňi chmara, našľona sig sar e rosa, sar o phus, so hino odphurdlo andral o humnos, abo sar o thuv, so džal avri prekal e oblaka.

Micheaš 1:4

O verchi rozdžana tel leste a o dolini pharona pro jepaš; ena sar o voskos andre jag the sar o paňi avričhido tele brehoha.

4. Mojžišoskro 10:35

Sar pes kamenas te mukel pro drom la archaha, o Mojžiš phenelas: „Av, RAJEJA! Mi rozdžan pes ola, ko pre tu džan; mi denašen angle tu ola, ko tut našťi avri ačhen.“