Žalmi 68:13 - Le Devleskero Lav Andre Romaňi Čhib Slovensko 2021

¹³ „Denašen o kraľa le armadenca, denašen het! O džuvľa khere rozďelinen oda, so sas zailo,

Žalmi 68:13 ပူးပေါင်းရင်းမြစ်များ

1. Mojžišoskro 49:14

Jisachar, tu sal sar o zoralo somaris, so pašľol maškar peskre košara.

2. Kraľengro 7:16

Avke o manuša andral e Samarija gele andro aramejiko taboris a ile odarik savoro. Ačhiľa pes oda avke, sar phenďa o RAJ, hoj trin kili nekfeder aro mola jekh rupuňi minca a šov kili jačmeňis mola jekh rupuňi minca.

Žalmi 105:37

Iľa avri le Izrael le rupoha the le somnakaha a savore sas saste the zorale.

Žalmi 149:4

Le RAJES hin radišagos peskre manušendar a le pokornen koruňinela la zachranaha.

Žalmi 74:19

Ma de o dživipen tira holubicakro le dzive šelmenge! Šoha ma bister pro dživipen tire čore manušengro!

Žalmi 81:6

Kada diňa avri o Del le Jozefoske, sar marelas le Egipt. Šunďom te vakerel o hangos, so na džanavas:

2. Mojžišoskro 1:14

O dživipen lenge kerenas igen pharo, bo ispidenas len te kerel phari buči le cehlenca čikatar, mušinenas te kerel e buči pre maľa a kerenas lenca igen namištes.

Izajaš 33:23

O lani pre ola loďi hine pomukle, na birinen te ľikerel o stožjaris pro podstavcos a e plachta nane nacirdľi. Akor peske rozďelinaha e bari korisť a mek the o bange peske lena ola korisťatar.

4. Mojžišoskro 31:27

Rozďelin oda pro duj: jepaš de le muršenge, save sas andro mariben, a aver jepaš okle manušenge.

Лукастар 15:16

Kamelas pes te čaľarel bajča ole šupenca, so chan o bale, ale ňiko leske len na delas.

Лукастар 15:22

Akor phenďa o dad peskre sluhenge: ‚Anen sigo oda nekšukareder ruchos a uren pre leste! Thoven leske e angrusi pro angušt a o sandalki pro pindre!

1. Korinťanenge 12:2

Se džanen, hoj mek sar sanas pohana, phirenas ko ňema modli, avke sar sanas ke oda ľigende.

Titoske 3:3

Bo the amen samas varekana nagoďaver a na šunahas le Devles. Bludzinahas a samas otroka le všelijake žadoscenge the rozkošenge; dživahas andre choľi a zavidzinahas. Aver manuša amen narado dikhenas a the amen len.

Jozua 10:16

Ola pandž kraľa denašle a garude pes andre jaskiňa paš e Makeda.

Sudcengro 5:16

Soske ačhiľal te bešel maškar o ohradi, hoj te šunes, sar o pasťjera zvičinen peskre stadi? Andro kmeňos le Rubenoskro pes but vakerelas pal oda, či te džal, vaj na.

Sudcengro 5:19

Avle o kraľa a marenas pes; o kraľa andral o Kanaan džanas pro mariben andro Taanach paš o paňa Megido, ale o rup peske odarik na ile.