Žalmi 66:3 - Le Devleskero Lav Andre Romaňi Čhib Slovensko 2021

³ Phenen le Devleske: „Save užasna hin tire skutki! Tiri zor hiňi ajsi bari, hoj tire ňeprijaťeľa pes angle tu skurčinen daratar.

Žalmi 66:3 ပူးပေါင်းရင်းမြစ်များ

O Job 25:2

„Le Devleskro hin o rajipen a lestar pes kampel te daral, ov kerel o smirom upre andro ňebos.

Žalmi 18:44

Zachraňinďal man olendar, ko pes pre ma vzburinde; ačhaďal man šereske upral o narodi. O manuša, saven na prindžaravas, mange akana služinen.

Žalmi 18:45

Šunen man pre dojekh lav; o manuša andral aver narodi daratar banďon anglal ma.

Žalmi 47:2

Tapčinen radišagoha le vastenca, savore narodale! Giľaven zorales le Devleske!

Žalmi 65:5

Bachtalo hin oda, kas tuke kides avri, kaske domukes te avel pašes paš tute, hoj te bešel andre tire dvori. Amen čaľuvaha le lačhipnastar andral tiro kher, andral tiro sveto Chramos.

Žalmi 68:30

sikav la andral tiro chramos andro Jeruzalem, kaj tuke o kraľa anena o dari.

Žalmi 76:12

Den le RAJESKE, tumare Devleske, oda, so phenďan! Oleske, kastar kampel te daral, mi anen o dari savore phuva, so hine pašal leste.

Žalmi 81:15

takoj domarďomas lengre ňeprijaťeľen a mire vasteha geľomas pre ola, ko pre lende džan.

2. Mojžišoskro 15:21

E Mirijam chudňa te giľavel: „Giľaven le RAJESKE, bo igen pes oslavinďa! Le grajes the le jazdcos čhiďa andro moros.“

Izajaš 2:19

Denašena andro jaskiňi la skalakre the andro cheva tel e phuv daratar anglo RAJ, angle leskri kraľiko slava, sar ušťela, hoj te daravel avri e phuv.

Izajaš 25:3

Vašoda tut o zorale manuša dena pačiv; o fori le dzive narodengre pes tutar darana.

Izajaš 40:26

Hazden upre o jakha a dikhen: Ko stvorinďa kada savoro? Oda, ko anel avri o čercheňa jekh pal aver, a savoren vičinel avri pal o nava. Vašoda, hoj leskri moc hiňi obrovsko a leskri zor hiňi igen bari, aňi jekh lendar na chibaľinel.

Izajaš 64:3

Šoha ňiko na dikhľa aňi na šunďa pal ajso Del sar sal tu, savo avke pomožinel olenge, ko pes pre leste muken.

Jeremijaš 10:10

Ale o RAJ hino jekh čačikano Del; ov hino džido Del a večno kraľis. Leskra choľatar izdral e phuv, o narodi na birinena te zľidžal leskri choľi.