Žalmi 66:10 - Le Devleskero Lav Andre Romaňi Čhib Slovensko 2021

¹⁰ Tu amen čačes skušinehas, Devla, prelabarďal amen andre jag, sar pes prelabarel o rup.

Žalmi 66:10 ပူးပေါင်းရင်းမြစ်များ

O Job 23:10

Ale ov džanel mire droma, khatar phirav; te man skušinela avri, dikhela, hoj som žužo sar o somnakaj.

Žalmi 17:3

Tu džanes miro jilo. Avľal ke ma rači, predikhľal man calones a na arakhľal andre ma ňisavo nalačho gondoľišagos; aňi mire vušta na kerde binos.

Prislovja 17:3

O somnakaj the o rup pes prežužarel andre jag a o jilo le manušeskro hino preskušimen le RAJESTAR.

Prislovja 25:4

Le avri e mel andral o rup a o kovačis šaj kerel šukar nadoba;

Izajaš 48:10

Dikh, obžužaravas tut, ale na sar o rup, skušinavas tut andro bov le cerpišagoskro.

Zacharijaš 13:9

Odi jekh tretina prelava prekal e jag a obžužarava len sar o rup a skušinava len avri sar o somnakaj. Vičinena pre miro nav a me len šunava avri. Phenava: ‚Kala hin mire manuša,‘ a on phenena: ‚O RAJ hino amaro Del.‘ “

Malachijaš 3:3

Bešela peske sar oda, ko prežužarel o rup, a prežužarela le rašajen Leviten; prelabarela len sar o somnakaj the o rup. Avke ela le RAJES manuša, so leske anena o lačhe obeti.

5. Mojžišoskro 13:3

a te oda znameňje abo zazrakos, pal savo phenďa, pes ačhiľahas, a te oda prorokos tumenge phenďahas: ‚Džas pal aver devla, saven na prindžaras, a služinas lenge,‘

5. Mojžišoskro 8:16

Pre pušťa tumen čaľarelas la mannaha, savi na prindžarenas tumare dada. Ov tumen pokorinelas a skušinelas, hoj tumenge paľis te presikavel o lačhipen.

5. Mojžišoskro 8:2

Leper tuke, Izraelona, pre savore droma, sar tut o RAJ, tiro Del, ľidžalas saranda (40) berš pal e pušťa, hoj tut te pokorinel a te skušinel, hoj te sprindžarel, so tut hin andro jilo, či doľikereha leskre prikazaňja, abo na.