Žalmi 65:8 - Le Devleskero Lav Andre Romaňi Čhib Slovensko 2021

⁸ zaačhaves o moros the o vlni, hoj te na hučinen, keres tele e vika le narodengri.

Žalmi 65:8 ပူးပေါင်းရင်းမြစ်များ

1. Mojžišoskro 8:22

Medik ľikerela e phuv, na preačhela o časos te sadzinel aňi o časos te skidel upre, o šil aňi o tačipen, o ňilaj aňi o jevend, o džives aňi e rat.“

O Job 38:12

Prikazinďal varekana andre tiro dživipen le tosaraske a phenďal, kana te vidňisaľol?

Žalmi 107:29

E zoraľi burka čerinďa pre loki balvajori a o vlni pro moros peske bešle tele.

Žalmi 126:2

Akor amenge o muj asalas a amare čhiba giľavenas radišagostar. Akor pes maškar aver narodi vakerelas: „O RAJ prekal lende kerďa bare veci!“

Žalmi 135:9

Bičhaďa o znameňja the o zazraki pre tute, Egiptona, pro Faraonos the pre savore leskre služobňika.

Žalmi 136:8

o kham, hoj te vladňinel dživese, bo leskro verno kamiben ľikerel pro furt;

Žalmi 148:3

Lašar les, khameja the čhonoreja! Lašaren les, savore jasna čercheňale!

Žalmi 19:5

Ale lengro hangos pes rozľigenďa pal caľi phuv a lengre lava dži pro agor le svetoske. O Del andro ňebos kerďa than le khameske.

Žalmi 2:8

Mang mandar a me tuke dava le naroden sar ďeďictvos, caľi phuv ela tiri.

Žalmi 65:13

O zamukle maľi prečuľan, o brehi pre peste uren o radišagos.

Žalmi 66:3

Phenen le Devleske: „Save užasna hin tire skutki! Tiri zor hiňi ajsi bari, hoj tire ňeprijaťeľa pes angle tu skurčinen daratar.

Žalmi 74:16

Tiro hin o džives, tiri hiňi e rat; tu thoďal o čhon the o kham pre peskre thana.

Žalmi 89:10

Tu ľidžas o burki pro moros a leskre bare vlni thoves tele.

Izajaš 17:13

Kajte o manuša hučinen, sar hučinel o baro paňi; sar pre lende o Del viskinela, denašena dur; ena sar o phus, saves odphurdel e balvaj pro verchi sar o prachos odphurdlo la zoraľa balvajatar.

5. Mojžišoskro 4:19

A sar dikhena upre pro ňebos a dikhena o kham, o čhonoro the o čercheňa – savoro, so hin andro ňebos – ma den tumen te scirdel, hoj tumen lenge te klaňinen a te lašaren len. Se o RAJ, tumaro Del, len diňa savore narodenge tel calo ňebos.

Zjaveňje 11:13

Andre odi ora chudňa e phuv igen te razisaľol. Jekh ďesaťina le forostar peľa tele a efta ezera (7 000) manuša mule. Okla džene predaranďile a dine e slava le Devleske pro ňebos.