Žalmi 63:2 - Le Devleskero Lav Andre Romaňi Čhib Slovensko 2021

² Devla, tu sal miro Del! Rodav tut, soča avel avri o kham, miri duša hiňi smedno pal tute. Calo miro ťelos pes cirdel pal tute, sar e šuki phuv bi o paňi.

Žalmi 63:2 ပူးပေါင်းရင်းမြစ်များ

1. Kronicko 16:11

Roden le RAJES the leskri zor, ma preačhen te rodel leskro muj!

Žalmi 105:4

Roden le RAJES the leskri zor; ma preačhen te rodel leskro muj!

Žalmi 134:2

Hazden upre o vasta ko Chramos a lašaren le RAJES.

Žalmi 145:11

Mi vakeren pal e slava tire kraľišagoskri, mi phenen pal tiri zor,

Žalmi 27:4

Ča jekh mange mangav le RAJESTAR, ča oda kamav: Hoj te šaj bešav andre leskro chramos calo miro dživipen, hoj te šaj dikhav pro šukariben le RAJESKRO a les te rodav andre leskro chramos.

Žalmi 42:3

Miri duša hiňi smedno pal o Del, pal o džido Del. Kana imar avava a dikhava le Devleskro muj?

Žalmi 43:4

Avke avava paš o oltaris le Devleskro, ko Del, savo mange del te radisaľol. Radisaľuvava a pre harfa tut lašarava, Devla, miro Devla.

Žalmi 5:4

RAJEJA, tosara šunes miro hangos; tosara tuke anav o mangipena a užarav.

Žalmi 68:24

hoj tuke te močines o pindre andro rat a hoj tire rikone te pijen o rat tire ňeprijaťeľengro.“

Žalmi 78:61

Domukľa lengre ňeprijaťeľenge te zalel e archa, savi sikavel pre leskri zor the šukariben.

Žalmi 96:6

O baro šukariben the e slava hine anglal leste, leskro Sveto than hino zoralo the igen šukar.

Izajaš 60:13

O šukariben andral o Libanon avela ke tu, o ciprusis, o smrekos the e jedľa, hoj te šukaľaren miro Chramos; me kerava o than mire pindrengro slavno.

Jeremijaš 31:14

Le rašajen dava o nekfeder chaben a mire manušen dava pherdo čaľipen,“ phenel o RAJ.