Žalmi 6:9 - Le Devleskero Lav Andre Romaňi Čhib Slovensko 2021

⁹ Džan mandar het savore, ko keren o nalačhipen, bo o RAJ šunďa miro roviben.

Žalmi 6:9 ပူးပေါင်းရင်းမြစ်များ

2. Kronicko 34:27

Vašoda, hoj kovľarďal tiro jilo a pokorinďal tut anglo RAJ, sar šunďal leskre lava pre kada than, a vašoda, hoj čhingerďal pre tute o gada andre pokora a rovehas angle mande, me tut šunďom avri.

Žalmi 118:5

Andro pharipen vičinavas pro RAJ a ov mange odphenďa a zachraňinďa man.

Žalmi 120:1

E giľi pro drom upre andro Jeruzalem. Pro RAJ vičinavas andral o pharipen a ov mange odphenďa.

Žalmi 138:3

Sar ke tu vičinavas, odphenďal mange; iľal mandar e dar a diňal man zor.

Žalmi 3:4

Ale tu, RAJEJA, sal pašal ma sar o šťitos. Sal miri slava; hazdes upre miro šero.

Žalmi 31:22

Mi džal e chvala le RAJESKE, bo presikaďa mange peskro užasno kamiben, sar somas andro foros, pašal savo sas rozthoďi e armada.

Izajaš 38:5

„Dža a phen le Chizkijoske: ‚Kada phenel o RAJ, o Del le Davidoskro, tire dadeskro: Šunďom avri tiri modľitba a dikhľom tire apsa. Dikh, dothovava tuke dešupandž (15) berš ke tiro dživipen.

Roviben le Jeremijašiskro 3:56

Tu šunďal miro mangipen: „Ma phand tuke o kana andre, sar ke tu vičinav vaš e pomoca!“

Jonaš 2:2

O Jonaš pes modľinelas andral e riba ko RAJ, ke peskro Del,

Jonaš 2:7

Geľom tele dži paš o nekteleder zakladi le verchengre; e phuv pal ma phandľa andre peskre brani pro furt. Ale tu, RAJEJA, Devla miro, cirdňal avri miro dživipen andral e Bari chev.