Žalmi 58:4 - Le Devleskero Lav Andre Romaňi Čhib Slovensko 2021

⁴ Soča o nalačhe manuša avle pro svetos, odgele pre aver drom; bludzinen, kanastar uľile, a klaminen.

Žalmi 58:4 ပူးပေါင်းရင်းမြစ်များ

1. Mojžišoskro 3:2

E džuvľi leske odphenďa: „Pal o stromi andre zahrada, šaj chas,

1. Mojžišoskro 8:21

E voňa la obetakri sas le RAJESKE pre dzeka a phenďa peske: „Imar šoha na prekošava e phuv vaš oda, so o manuša kerena. Kajte džanav, hoj le manušengro jilo imar čhavorestar džal pal o nalačho. Imar šoha na murdarava avri savoro, so dživel, avke sar oda akana kerďom.

O Job 20:14

No, jekhvar pes leske o nalačhipen visarela pro kirkiben andre džombra; ela andre leste sar o jedos la kobrakro.

O Job 20:16

Pijela o jedos la kobrakro; danderela les e zmija a merela.

Žalmi 140:3

olendar, ko andro jile gondoľinen ča te kerel o nalačhipen a sako džives pes vesekedinen.

Žalmi 51:7

He, binošno som, kanastar uľiľom; binošno, kanastar manca e daj khabňiľa.

Kazaťeľis 10:11

Te o sap danderela angle oda, sar hino začarimen, o čaroďejňikos hino zbitočno.

Izajaš 11:8

O čhavoro, so mek pijel o koľin, pes bavinela paš e kobrakri chev a cikno čhavoro thovela o vast andre chev, kaj hin e zmija.

Jeremijaš 8:17

O RAJ phenel: „Bičhavava pre tumende le sapen; le zmijen, pre save na zalela ňisavo vražišagos, a danderena tumen.“

Matuš 23:33

Tumen sapale! Tumen čhave le sapengre! Sar šaj denašena olestar, hoj te na aven odsudzimen andro peklos?

Matuš 3:7

A sar dikhľa, hoj but Farizeja the Saduceja aven pre leskro boľipen, phenďa lenge: „E famelija le sapengri! Ko tumenge sikaďa, sar te denašel le Devleskra choľatar, so avela?

Rimanenge 3:13

Lengro kirlo hin o phundrado hrobos, peskre čhibenca vakeren o klamišagos a pre lengre vušta hin o sapengro jedos.

5. Mojžišoskro 32:33

Lengri mol hiňi jedos le sapestar.

Jakob 3:8

ale e čhib ňiko le manušendar našťi skrocinel. E čhib hiňi ňepokojno a nalačhi, pherďi le jedoha, so murdarel.