Žalmi 56:7 - Le Devleskero Lav Andre Romaňi Čhib Slovensko 2021

⁷ Garuven pes paš o drom, hoj pre ma te chučen, užaren pre dojekh miro krokos, kamen mange te lel o dživipen.

Žalmi 56:7 ပူးပေါင်းရင်းမြစ်များ

Žalmi 36:12

Te na uštarel pre ma o pindro le barikaneskro a te na man tradel het o vast le nalačhe manušeskro.

Žalmi 37:32

O nalačho manuš užarel pro spravodľivo a rodel sar les te murdarel;

Žalmi 49:6

Soske man te darav andro nalačhe dživesa, akor sar pes pre ma rozthoven o ňeprijaťeľa?

Žalmi 55:15

oda, kaha mange mištes achaľuvavas. Jekhetane phirahas le manušenca andro kher le Devleskro!

Žalmi 55:23

De tire pharipena le RAJESKE a ov pes pal tu starinela. Šoha na domukela, hoj pes o spravodľivo manuš te čhalavel.

Žalmi 55:9

Siďarďomas man te garuvel la zoraľa balvajatar the la burkatar.“

Žalmi 59:4

Se užaren garude, hoj mange te len o dživipen; zorale murša pre ma chučen, kajte na kerďom ňič nalačho, aňi ňisavo binos, RAJEJA.

Kazaťeľis 8:8

Avke sar le manušes nane zor upral e balvaj, avke nane ňikas zor upral oda džives, kana merela. Andral o mariben našťi te džal khere, avke aňi o nalačhipen na mukela oles, ko oda kerel.

Izajaš 28:15

Bo tumen phenen: „Dovakerďam pes le meribnaha, kerďam zmluva le Šeoloha. Kajte kade o bičos marela, amendar pes oda na chudela, bo amen peske kerďam o falošno than pro garuďipen a garuvas pes pal o klamišagos.“

Jeremijaš 10:25

Čhiv avri tiri choľi pro narodi, so tut na prindžaren, the pro manuša, so na lašaren tiro nav. Bo on chanas tele le Jakoboskre manušen; calkom amen chale tele a zňičinde amari phuv.“

Jeremijaš 7:10

Tumen keren kala veci, save me našťi avri ačhav, a paľis aven a ačhen angle ma andre miro Chramos a phenen: „Amen sam chraňimen!“

Habakuk 1:13

Tire jakha hine igen žuže, našťi dikhes pro nalačhipen; našťi dikhes, sar vareko dukhavel avres! Akor soske domukes le ňevernenge te kerel o bini? Soske sal čhit, sar o bijedevleskro chal tele oles, ko hino spravodľiveder sar ov?