Žalmi 50:3 - Le Devleskero Lav Andre Romaňi Čhib Slovensko 2021

³ Amaro Del avel a nane čhit; anglal leste e bari jag zlabarel savoro a pašal leste phurdel igen zoraľi balvaj.

Žalmi 50:3 ပူးပေါင်းရင်းမြစ်များ

Žalmi 48:14

Dikhen mištes, save zorale muri les hin! Prephiren tumen pal leskre hradi, hoj te šaj vakeren olenge, ko avena pal tumende.

Žalmi 50:21

Kada kerehas a me somas čhit, vašoda tuke gondoľinehas, hoj som ajso sar tu. Akana tut obviňinav a čhivav tuke oda pro jakha.“

Žalmi 68:20

Mi el barardo o RAJ, savo sako džives ľidžal amare pharipena O Del hin amaro spaseňje,

Žalmi 83:1

E giľi. Le Asafoskro žalmos.

Žalmi 96:13

Mi giľaven anglo RAJ, bo avel, bo avel te sudzinel e phuv! Ov sudzinela spravodľišagoha o svetos a o narodi peskre čačipnaha.

2. Mojžišoskro 19:18

Calo verchos Sinaj sas andro thuv, bo o RAJ avľa pre leste tele andre jag. O thuv andral leste džalas sar te andral o bov, a calo verchos igen izdralas.

Izajaš 35:4

Phenen olenge, ko pes daran andro jile: „Aven zorale a ma daran tumen! Dikhen, tumaro Del! Avela la pomstaha the le Devleskre počiňibnaha. Ov avela a zachraňinela tumen.“

Ezechiel 1:4

Dikhľom, sar avľa zoraľi balvaj le severostar, e bari chmara, pašal savi švicinelas a labolas e jag, andre savi sas vareso, so bľišťisaľolas sar brondzos.

Daniel 7:10

O jagalo paňi avelas avri a čuľalas anglal leste. Ezera-ezerenge leske služinenas a deš ezera deš ezerenge ačhenas anglal leste. O sudos zabešľa a o kňižki sas phundrade.

3. Mojžišoskro 10:2

A jekhvareste avľa e jag le RAJESTAR, zlabarďa len a on mule anglo RAJ.

Habakuk 3:5

Anglal leste džal o nasvaľiben a takoj pal leste avel e skaza.

4. Mojžišoskro 16:35

Akor le RAJESTAR avľa jag a zlabarďa ole 250 muršen, save ande o kaďidlos.

Matuš 3:12

Andre leskro vast hin o vejaris a ov prežužarela peskro humnos. O prežužardo zrnos sthovela andre peskri stodola, ale o phus labarela andre jag, so šoha na murdaľola andre.“

5. Mojžišoskro 9:3

Vašoda dikheha, hoj o RAJ, tiro Del, džala anglal tute sar e jag, so zlabarel savoro. Ov len zňičinela a pokorinela anglal tute; sar pre lende džaha, tradeha len avri a sig len zňičineha, avke sar tuke phenďa o RAJ.

Židenge 12:29

Bo amaro Del hin e jag, so zlabarel.

Židenge 2:3

Akor, sar šaj amen denašaha, te pestar odčhivaha kajso baro spaseňje? O Raj chudňa ešebno te vakerel avri pal oda spaseňje a ola, ko les šunde, amenge svedčinenas, hoj oda hin čačipen.

Zjaveňje 22:20

Oda, ko dosvedčinel kala veci, phenel: „He, avava sig!“ Amen! Av, Raja Ježiš!