Žalmi 50:23 - Le Devleskero Lav Andre Romaňi Čhib Slovensko 2021

²³ Oda, ko mange obetinel e paľikeribnaskri chvala, oda man del pačiv a me, o Del, sikavava miro spaseňje oleske, ko pes ľikerel pro lačho drom.“

Žalmi 50:23 ပူးပေါင်းရင်းမြစ်များ

Žalmi 120:1

E giľi pro drom upre andro Jeruzalem. Pro RAJ vičinavas andral o pharipen a ov mange odphenďa.

Žalmi 22:23

Vakerava pal tiro nav mire phralenge, lašarava tut maškar tire manuša.

Žalmi 25:14

O RAJ hino prijaťeľis olenca, ko lestar daran; lenge del te džanel peskri zmluva.

Žalmi 27:6

Imar akana hin miro šero hazdlo upral o ňeprijaťeľa pašal mande! Andre leskro sveto stanos obetinava radišagoha; giľavava a bašavava le RAJESKE.

Žalmi 34:5

Rodavas le RAJES a odphenďa mange, iľa man avri andral dojekh dar.

Žalmi 85:13

O RAJ dela peskro požehnaňje a amari phuv anela peskro uľipen.

Žalmi 85:9

Šunava, so vakerel o Del, o RAJ, bo ov vakerel pal o smirom prekal peskre manuša, peskre pačivale služobňika, te na visaľon pale ko diliňipena.

Žalmi 86:12

Paľikerava tuke, Adonaj, Devla miro, andral calo jilo a furt bararava tiro nav.

Žalmi 86:9

Savore narodi, saven stvorinďal, avena te banďol anglal tu, RAJEJA, a dena e slava tire naveske.

Žalmi 91:16

Odmeňinava les bare dživipnaha, sikavava leske miro spaseňje.“

Izajaš 12:2

Dikh, o Del hin miro spaseňje, pačava a na darava man, bo miri zor the giľi hin o RAJ; o RAJ ačhiľa miro spaseňje.

Izajaš 45:17

O RAJ spasinela le Izrael a oda spaseňje ela pro furt; imar šoha tumen na ladžana a na avena teledikhle.

Izajaš 49:6

ov phenel: „Oda hin igen frima, hoj sal miro služobňikos ča pre oda, hoj te podhazdes upre o kmeňi le Jakoboskre a te anes pale le Izraeliten, so predžiďile. Me tut ačhavav švetloske prekal o narodi, hoj te ľidžas o spaseňje dži pro koňec le svetoskro.“

Лукастар 2:30

bo mire jakha dikhle tiro spaseňje,

O Evaňjelium le Janoskro 7:17

Te vareko kamel te kerel le Devleskri voľa, džanela, či hin oda sikaviben le Devlestar, abo či me korkoro mandar vakerav.

Skutki 11:14

Ov tuke vakerela o lava, prekal save aveha zachraňimen tu the calo tiro kher.‘

Skutki 13:26

Phralale, čhave le Abrahamoskre, a the tumen manušale avre narodendar, so tumen daran le Devlestar! Tumenge hin bičhado kada lav, so tumen šaj zachraňinel.

Rimanenge 12:1

Phralale, mangav tumen vaš oda, hoj o Del hino lačhejileskro! Den tumare ťela sar džiďi, sveto obeta, so ela le Devleske pre dzeka. Ada hin nekfeder služba le Devleske.

Rimanenge 15:6

hoj savoredžene jekhetane te lašaras jekhe hangoha le Devles, le Dades amare Rajeskre le Ježišoskre Kristoskre.

Rimanenge 15:9

a hoj o aver narodi vaš leskri milosť te lašaren le Devles. Avke sar hin pisimen: „Vašoda tut lašarava maškar o narodi a giľavava tire naveske o chvali.“

Galaťanenge 1:24

A lašarenas vaš ma le Devles.

Galaťanenge 6:16

O smirom the e milosť pre sakoneste, ko pes kamel pal oda te ľikerel, a the pro Izrael le Devleskro.

Filipanenge 1:27

Ča dživen avke, sar tumenge oda phenel le Kristoskro evaňjelium. Či imar avava a dikhava tumen, abo na avava, kamav te šunel pal tumende, hoj ačhen zorales andre jekh duchos a jekhetane tumen maren vaš o pačaben le evaňjelioskro.

Jakob 3:13

Ko hin maškar tumende goďaver a kas hin goďi? Mi sikavel peskre dživipnaha o lačhe skutki a mi avel pokorno the goďaver andre savoreste, so kerel.

1. Peter 1:15

Ale avke sar hino sveto Oda, ko tumen vičinďa, the tumen aven sveta andre savoreste, so keren.

1. Peter 2:9

Ale tumen san o avrikidle manuša, o kraľika rašaja, o sveto narodos a le Devleskre zvlaštna manuša, hoj te vakeren avri ola bare veci, so kerel o Del, savo tumen vičinďa avri andral o kaľipen andre peskro igen šukar švetlos.