Žalmi 50:15 - Le Devleskero Lav Andre Romaňi Čhib Slovensko 2021

¹⁵ Vičin pre ma oda džives, sar tuke ela phares, me tut zachraňinava a tu man lašareha.“

Žalmi 50:15 ပူးပေါင်းရင်းမြစ်များ

2. Kraľengro 20:2

Sar oda o Chizkija šunďa, visarďa pes le mujeha paš e fala a modľinelas pes ko RAJ:

2. Kronicko 20:9

‚Te avela pre amende varesavo nalačhipen, mariben, meribnaskro nasvaľiben či bokh, a te avaha anglal tu angle kada Chramos – kaj tut lašaren – a chudaha te vičinel andre peskro pharipen ke tute, tu amen šuneha avri a zachraňineha.‘

O Job 22:27

Mangeha les a ov tut šunela avri; a doľikereha o lav, so les diňal.

Žalmi 107:19

Akor andre peskro pharipen vičinenas ko RAJ a ov len zachraňinďa andral o trapišagos.

Žalmi 107:28

Akor andre peskro pharipen vičinenas ko RAJ a ov len cirdňa avri andral o trapišagos.

Žalmi 120:1

E giľi pro drom upre andro Jeruzalem. Pro RAJ vičinavas andral o pharipen a ov mange odphenďa.

Žalmi 22:23

Vakerava pal tiro nav mire phralenge, lašarava tut maškar tire manuša.

Žalmi 34:5

Rodavas le RAJES a odphenďa mange, iľa man avri andral dojekh dar.

Žalmi 34:7

Somas andro pharipen bi e zor, ale vičinavas pro RAJ a šunďa man avri, iľa man avri andral savoro pharipen.

Žalmi 4:2

Sar pre tu vičinav, šun man avri, miro čačipnaskro Del! Tu mange pomožinehas, sar somas andro pharipen. Av ke ma jileskro a šun avri miri modľitba!

Žalmi 50:23

Oda, ko mange obetinel e paľikeribnaskri chvala, oda man del pačiv a me, o Del, sikavava miro spaseňje oleske, ko pes ľikerel pro lačho drom.“

Žalmi 77:2

Zorales vičinav ko Del, vičinav ko Del a ov man šunel avri.

Žalmi 77:3

Oda džives, sar mange hin phares, rodav le Rajes, caľi rat nacirdav mire vasta andre modľitba, ale miri duša pes na del te poťešinel.

Žalmi 81:7

„Iľom leske tele o pharipen pal o phike a andral o vasta thoďom tele o pharo košaris.

Žalmi 86:5

Bo tu, RAJEJA, odmukes a sal lačho, hin tut pherdo kamiben ke ola, ko pre tute vičinen.

Žalmi 86:7

Sar man hin pharipen, vičinav ke tu, bo tu mange odphenes.

Žalmi 91:15

Sar ke ma vičinela, odphenava leske. Avava leha andro pharipen, zachraňinava les a dava les pačiv.

Jeremijaš 39:17

Ale me tut zachraňinava andre oda džives a na dochudeha tut andro vasta ole muršengre, savendar tut daras, phenel o RAJ.

Zacharijaš 13:9

Odi jekh tretina prelava prekal e jag a obžužarava len sar o rup a skušinava len avri sar o somnakaj. Vičinena pre miro nav a me len šunava avri. Phenava: ‚Kala hin mire manuša,‘ a on phenena: ‚O RAJ hino amaro Del.‘ “

Matuš 5:16

Avke mi labol tumaro švetlos anglo manuša, hoj te dikhen tumare lačhe skutki a te lašaren tumare Dades, savo hino andro ňebos.“

Лукастар 22:44

Le Ježišoske sas andro jilo igen phares a mek zoraleder pes modľinelas. A leskro spocišagos pal leste čhorďolas pre phuv sar ratvale kropaja.

O Evaňjelium le Janoskro 15:8

Miro Dad hino oslavimen oleha, hoj tumen anen but ovocje a ačhen mire učeňika.

Skutki 16:25

Ale pal jepaš rat pes o Pavol the o Silas modľinenas a giľavenas o giľa pre chvala le Devleske a o bertenoša len šunenas.

Jakob 5:13

Cerpinel vareko maškar tumende? Mi modľinel pes. Hin varekas radišagos andro jilo? Mi giľavel le Devleske.

1. Peter 4:11

Te vareko vakerel, mi vakerel sar o lava le Devleskre; te vareko služinel, mi kerel oda andral e zor, so les del o Del, hoj te avel andre savoreste barardo o Del prekal o Ježiš Kristus, bo leske patrinel e slava the e zor pro furt. Amen.

1. Peter 4:14

Te tumenge keren ladž vaš le Kristoskro nav, bachtale san, bo o Duchos la slavakro, o Duchos le Devleskro, ačhel pre tumende.

Sudcengro 15:19

Akor o Del phundraďa chev andro Lechi a demaďa avri o paňi. Sar o Samson piľa, prekerďa pes a avľa ke peste. Vašoda le paňeske, so hin dži adadžives andro Lechi, diňa nav En-Hakore.