Žalmi 44:22 - Le Devleskero Lav Andre Romaňi Čhib Slovensko 2021

²² či tu, Devla, na avľalas pre oda? Se tu džanes, so hin garudo andro jilo!

Žalmi 44:22 ပူးပေါင်းရင်းမြစ်များ

1. Mojžišoskro 18:15

Ale e Sara daratar klaminelas a phenďa: „Me na asavas.“ „He, asahas,“ phenďa lake o RAJ.

1. Kraľengro 19:10

Ov odphenďa: „RAJEJA, Devla Nekzoraleder, tu džanes, hoj tuke so nekfeder služinavas, ale o manuša andral o Izrael omukle e zmluva, so tuha phandle. Čhide tele tire oltara a tire proroken murdarde la šabľaha! Ča me korkoro ačhiľom, ale akana kamen the man te murdarel.“

Žalmi 139:2

Tu džanes, kana bešav a kana uščav, imar dural prindžares, so gondoľinav.

Žalmi 44:11

Kerďal, hoj te denašas het andral o mariben, a ola, ko amen našťi avri ačhen, amen občorarde.

Žalmi 94:11

O RAJ džanel, so o manuš gondoľinel, džanel, hoj le manušengre gondoľišagi nane pre ňisoste.

Izajaš 53:7

Mučinenas les, ale ov oda pokorňe zľidžalas a na phundraďa peskro muj. Avke sar o bakroro, saves ľidžan te murdarel, sar e ovečka, savi hiňi čhit anglal oda, ko la strihinel, na phundraďa peskro muj.

Jeremijaš 17:10

Me, o RAJ, skuminav o jile a skušinav o gondoľišagos, hoj te počinav sakoneske pal oda, sar dživelas, pal oda, savo ovocje anenas leskre skutki.

O Evaňjelium le Janoskro 15:21

Ale kada savoro tumenge kerena vaš miro nav, bo na prindžaren oles, ko man bičhaďa.

Rimanenge 8:36

Avke sar hin pisimen: „Vaš tuke amen murdaren calo džives; keren amenca sar le bakrorenca, saven ľidžan te murdarel.“

1. Korinťanenge 4:9

Bo avke pes mange dičhol, sar te amen, le apoštolen, diňahas o Del oda nekostatneder than: Sar olen, ko hine odsudzimen pro meriben. Bo sam sar o ďivadlos cale svetoske, le aňjelenge the le manušenge.

Jozua 22:22

„O zoralo Del, o Del o RAJ! O zoralo Del, o Del o RAJ oda džanel a mi džanel the o Izrael: Te pes akana kaleha ačhavas le RAJESKE abo pes ľikeras napačivalones, mek adadžives amen tumen šaj murdaren!

Zjaveňje 17:6

A dikhľom la džuvľa, savi sas mači le Devleskre manušengre ratestar the le Ježišoskre švedkengre ratestar. Sar la dikhľom, igen man čudaľinavas.