Žalmi 44:14 - Le Devleskero Lav Andre Romaňi Čhib Slovensko 2021

¹⁴ Kerďal amenge ladž angle amare susedi; anďal amen avri pro asaben the pro pheras anglal lende.

Žalmi 44:14 ပူးပေါင်းရင်းမြစ်များ

1. Kraľengro 9:7

akor me khosava tele mire manušen le Izraeliten pal kadi phuv, so len diňom. O Chramos, so pošvecinďom prekal miro nav, odčhivava mandar a paľis o Izrael ela dojekhe narodoske pro pheras the pro asaben.

2. Kraľengro 19:21

Kada hin o lav, so leske phenel o RAJ: ‚E pačivaľi čhaj le Sionoskri tutar asal a tele tut dikhel. E čhaj le Jeruzalemoskri pal tu kivinel le šereha, sar adarik denašes.

2. Kronicko 7:20

me tumen khosava tele pal miri phuv, so tumenge diňom. The kada Chramos, so mange kidňom avri, hoj ode te avav lašardo, odčhivava mandar het a paľis ela dojekhe narodoske pro pheras the pro asaben.

Nehemiaš 2:17

Paľis lenge phenďom: „Korkore dikhen, andre savo pharipen sam. O Jeruzalem hino zňičimen a o brani zlabarde la jagaha. Aven, ačhavas pale o foroskre muri, hoj te na avas buter pro asaben.“

O Job 16:4

Te tumen uľanas pre miro than, the me džanľomas te vakerel avke sar tumen; the me tumen šaj začhiďomas le lavenca a kerďomas le šereha upral tumende.

O Job 17:6

No akana o Del visarďa oda vakeriben pre mande anglo manuša; som oda, kaske čhungaren andro muj.

Žalmi 109:25

Som lenge pro asaben, dikhen pre ma a keren le šerenca.

Žalmi 123:3

Av jileskro ke amende, RAJEJA, av jileskro ke amende, bo imar na birinas olestar, so amen ajci tele dikhen.

Žalmi 22:7

Ale me som sar kirmo a na manuš; dojekheske som pro asaben, sako man dikhel tele.

Žalmi 79:4

Ačhiľam pro asaben olenge, ko pašal amende bešen; keren peske amendar pheras a asan amen avri.

Izajaš 37:22

kada hin o lav, so leske phenel o RAJ: ‚E pačivaľi čhaj le Sionoskri tutar asal a tele tut dikhel. E čhaj le Jeruzalemoskri pal tu kivinel le šereha, sar adarik denašes.

Jeremijaš 24:9

Anava pre lende ajsi pohroma, hoj savore kraľišagi pre phuv igen predarana. O manuša lendar asana, kerena peske lendar pheras a dikhena len tele. Lengro nav lena sar košiben všadzik, kaj len roztradava.

Micheaš 6:16

Doľikerehas o nalačhe zakoni le Omriskre the savore previsarde veci le Achaboskre khereskre; dehas tut te ľidžal lengre radenca. Vašoda tut, Jeruzalemona, dava te zňičinel, tire manušen anava pre ladž a ena teledikhle savore narodendar.“

5. Mojžišoskro 28:37

O manuša andre ola phuva, kaj tumen tradela avri o RAJ, predarana olestar, so pes tumenge ačhiľa; avena lenge pre vistraha a on tumendar asana.