Žalmi 44:10 - Le Devleskero Lav Andre Romaňi Čhib Slovensko 2021

¹⁰ Ale tu amen akana odčhiďal a kerďal amenge ladž! Tu imar na džas amare armadenca.

Žalmi 44:10 ပူးပေါင်းရင်းမြစ်များ

Žalmi 60:12

Či na tu, Devla? Ale tu amen odčhiďal a imar na ľidžas amare armadi!

Žalmi 89:39

Ale tu les tradňal tutar het a odčhiďal, salas igen choľamen pre tiro pomazimen.

Žalmi 89:41

Rozburinďal savore leskre muri, leskre hradbendar kerďal kopa šmeci.

Žalmi 89:43

Olenge, ko pre leste džanas, diňal te zviťazinel; kerďal o radišagos savore leskre ňeprijaťeľenge.

Izajaš 10:14

Miro vast arakhľa o barvaľipen le narodengro sar o hňizdos, a avke sar vareko skidel upre o omukle jandre, avke me skidavas upre savore phuva. Ňiko man na daravelas avri le kridlenca, aňi na phundravelas o zobakos, hoj te pišťinel.‘ “

Izajaš 10:6

Me la bičhavav pro bijedevleskro narodos, pre mire manuša, save man choľaren; prikazinav lake, hoj len te zňičinel a te občorarel a hoj pal lende te uštarel sar pal e čik pro uľici.

Jeremijaš 15:13

Manušale andral e Judsko, tumaro barvaľipen the tumare pokladi dava tumare ňeprijaťeľenge a na mola len oda ňič; angle savore tumare bini, so kerďan pal caľi tumari phuv.

Jeremijaš 20:8

Furt sar vakerav, mušinav zorales te vičinel: „O mariben the e pohroma avel!“ Anglo lav le RAJESKRO mange calo džives dophenen a keren man ladž.

3. Mojžišoskro 26:14

„ ‚Ale te man na šunena a na doľikerena mire prikazaňja,

3. Mojžišoskro 26:17

Džava pre tumende a tumare ňeprijaťeľa tumen zňičinena; vladňinena tumenge ola, ko tumen našťi avri ačhen; denašena, kajte pre tumende ňiko na džala.

4. Mojžišoskro 14:42

Ma džan, bo o RAJ nane tumenca a tumare ňeprijaťeľa tumen thovena tele.

4. Mojžišoskro 14:43

Sar tumen marena le Amalekenca the le Kanaančanenca, murdarena tumen la šabľaha. Visarďan tumen het le RAJESTAR, vašoda na ela tumenca!“

5. Mojžišoskro 28:25

O RAJ domukela, hoj upral tumende te zviťazinen tumare ňeprijaťeľa. Jekhe dromeha avena pre lende, ale efta dromenca anglal lende rozdenašena. Sar dikhena aver narodi pre phuv, so pes tumenca ačhiľa, igen pes darana.

5. Mojžišoskro 31:17

Andre oda džives pre lende choľisaľuvava, omukava len a garuvava angle lende miro muj. Ena zňičimen, bo pre lende avena but pohromi the pharipena. Paľis peske phenena: ‚Kala pohromi pre amende avle, bo maškar amende nane amaro Del.‘

Jozua 7:12

Vašoda o Izraeliti našťi obačhen anglal peskre ňeprijaťeľa a mušinen te denašel lendar, bo ačhiľa lendar oda, so mušinel te el zňičimen. Imar tumenca na avava, te oda na zňičinena.

Jozua 7:8

Mangav tut, RAJEJA, so šaj phenav pre ada akana, te o Izraeliti denašle peskre ňeprijaťeľendar?

1. Samueloskro 4:17

Ov leske odphenďa: „O Izraeliti denašenas anglo Filišťinci a but amare murša sas murdarde. E archa le Devleskri sas zaiľi a tire soduj čhave o Chofni the o Pinchas mule.“