Žalmi 42:3 - Le Devleskero Lav Andre Romaňi Čhib Slovensko 2021

³ Miri duša hiňi smedno pal o Del, pal o džido Del. Kana imar avava a dikhava le Devleskro muj?

Žalmi 42:3 ပူးပေါင်းရင်းမြစ်များ

2. Samueloskro 16:12

Ko džanel, či o RAJ na dikhela miro pharipen a na visarela mange pale le lačhipnaha vaš leskro adadživeseskro košiben.“

Žalmi 102:9

Calo džives mange mire ňeprijaťeľa keren ladž; ola, ko mandar asan, len miro nav paš o košiben.

Žalmi 115:2

Soske aver narodi phenen: „Kaj hino lengro Del?“

Žalmi 143:6

Ke tute hazdav mire vasta, som igen smedno pal tu sar e avrišuki phuv pal o paňi.

Žalmi 22:8

Savore, so man dikhen, keren mandar pheras; banďaren pre mande o muja a keren le šerenca.

Žalmi 3:2

RAJEJA, keci but džene pre mande džan! Keci but pre mande aven!

Žalmi 42:10

Phenava le Devleske, mira Skalake: „Soske pre ma bisterďal? Soske mušinav te phirel smutno anglo ňeprijaťeľis, so man trapinel?“

Žalmi 63:2

Devla, tu sal miro Del! Rodav tut, soča avel avri o kham, miri duša hiňi smedno pal tute. Calo miro ťelos pes cirdel pal tute, sar e šuki phuv bi o paňi.

Žalmi 79:10

Soske o narodi te phenen: „Kaj hin lengro Del?“ Počin le narodenge angle amare jakha vaš o avričhordo rat tire služobňikengro!

Žalmi 79:12

Ole narodenge pašal amende, so tuke dophenenas, visar pale eftavar buter, Rajeja!

Žalmi 80:5

RAJEJA, Nekzoraleder Devla, dži kana aveha choľamen pro modľitbi tire manušengre?

Žalmi 84:3

Miri duša pes igen cirdel pal o dvori le RAJESKRE Khereskre; miro jilo the miro ťelos giľaven a radisaľon le džide Devlestar.

2. Mojžišoskro 23:17

Sako berš, andre kala inepi, mušinen savore tumare murša te avel anglo Adonaj, tumaro RAJ, hoj man te lašaren.

Joel 2:17

O rašaja, so služinen le RAJESKE, mi roven maškar o Chramos the maškar o oltaris. Mi mangen pes kavke: „Av jileskro ke tire manuša, RAJEJA, ma de tiro ďeďictvos andre ladž; ma domuk, hoj amendar aver narodi te asan. Soske pes te vakerel maškar o manuša: ‚Kaj hino lengro Del?‘ “

Micheaš 7:10

Paľis oda dikhela miri ňeprijaťeľka a e ladž zalela andre ola, so mange phenelas: „Kaj hino o RAJ, tiro Del?“ Pre mire jakha dikhava, sar perel tele, sar pal late phirena sar pal e čik pro uľici.

5. Mojžišoskro 5:26

Šunďa vareko aver o hangos le džide Devleskro andral e jag avke sar amen a ačhiľa te dživel?