Žalmi 42:10 - Le Devleskero Lav Andre Romaňi Čhib Slovensko 2021

¹⁰ Phenava le Devleske, mira Skalake: „Soske pre ma bisterďal? Soske mušinav te phirel smutno anglo ňeprijaťeľis, so man trapinel?“

Žalmi 42:10 ပူးပေါင်းရင်းမြစ်များ

Žalmi 42:3

Miri duša hiňi smedno pal o Del, pal o džido Del. Kana imar avava a dikhava le Devleskro muj?

Žalmi 43:2

Tu sal, Devla, miro than, kaj man garuvav. Soske man odčhiďal? Soske mušinav te phirel smutno vaš o ňeprijaťeľis, so man trapinel?

Žalmi 55:4

bo mire ňeprijaťeľa pre ma vakeren a o nalačhe pre ma ispiden. Čhiven pre ma o trapišagos a chučen pre ma choľaha.

Prislovja 12:18

Oda, ko vakerel bi e goďi, sar te džubinďahas la šabľaha, no o goďaver sasťarel peskra čhibaha.

Roviben le Jeremijašiskro 5:20

Soske pre amende furt bisteres? Soske amen ajci but omukes?

Joel 2:17

O rašaja, so služinen le RAJESKE, mi roven maškar o Chramos the maškar o oltaris. Mi mangen pes kavke: „Av jileskro ke tire manuša, RAJEJA, ma de tiro ďeďictvos andre ladž; ma domuk, hoj amendar aver narodi te asan. Soske pes te vakerel maškar o manuša: ‚Kaj hino lengro Del?‘ “

Micheaš 7:10

Paľis oda dikhela miri ňeprijaťeľka a e ladž zalela andre ola, so mange phenelas: „Kaj hino o RAJ, tiro Del?“ Pre mire jakha dikhava, sar perel tele, sar pal late phirena sar pal e čik pro uľici.

Лукастар 2:35

hoj pes te sikavel oda, so peske gondoľinen but džene andro jile. A prekal tiri duša predžala e šabľa.“