Žalmi 41:2 - Le Devleskero Lav Andre Romaňi Čhib Slovensko 2021

² Bachtalo hin oda, ko gondoľinel pro čoro manuš; o RAJ les lela avri andral o pharo džives.

Žalmi 41:2 ပူးပေါင်းရင်းမြစ်များ

Žalmi 27:12

Ma de man andro vasta le ňeprijaťeľenge, bo vakeren pre ma o klamišagi a dojekhe laveha man daraven avri le maribnaha.

Žalmi 33:19

hoj te zachraňinel lengri duša le meribnastar a lengro dživipen la bokhatar.

Žalmi 37:22

Bo kaske o Del žehňinel, ola chudena e phuv, ale kas prekošel, ena zňičimen.

Prislovja 11:17

Te o manuš hino lačhejileskro, kerel mištes korkoro peske, ale te o manuš hino bijileskro, dukhavel pes korkores.

Prislovja 14:21

Binos hin te dikhel tele le čores, no požehňimen hin oda, ko le čoreske presikavel o lačhipen.

Prislovja 19:17

Ko pomožinel le čoreske, del kečeň le RAJES a ov leske počinela pale vaš o lačhipen, so kerďa.

Prislovja 31:20

Le čoreske otkerel peskri burňik a peskre vasta nacirdel ke oda, kas nane.

Jeremijaš 39:17

Ale me tut zachraňinava andre oda džives a na dochudeha tut andro vasta ole muršengre, savendar tut daras, phenel o RAJ.

5. Mojžišoskro 14:29

Avke šaj aven ode o Leviti, saven nane o kotor la phuvatar aňi ďeďictvos, abo o cudzinci, o široti abo o vdovi, save bešen andre tire fori. Mi chan čales olestar, hoj tut te požehňinel o RAJ, tiro Del, andre dojekh buči, so kereha tire vastenca.“

1. Timoteoske 4:8

Bo te zoraľares tiro ťelos, oda anel ča frima chasna, ale o sveto dživipen anel chasna the andre kada dživipen the andre oda dživipen, so avela.

E Rut 2:19

E sasuj latar phučľa: „Khatar kada kidňal? Pre savi maľa kerehas adadžives buči? Mi el bachtalo oda, ko sas ajso lačho ke tu!“ Avke e Rut phenďa avri la sasake, ke kaste kerelas buči, a phenďa: „Oda murš, ke savo keravas adadžives buči, pes vičinel Boaz.“